ដូចគ្នាយើងធ្លាប់ដឹងហើយ វីតាមីន C ជាប្រភេទវីតាមីនល្អខ្លាំងចំពោះសុខភាព ស្ទើរតែគ្រប់មុខងារក្នុងរាងកាយ។ ប៉ុន្តែគ្នាយើងតិចតួចណាស់ ដឹងពីអត្ថប្រយោជន៍ច្រើនទៀតពីវីតាមីននេះ ពិសេសចំពោះសុខភាពស្បែកយើងតែម្តង។ វីតាមីន C ត្រូវគេជឿថា អាចជួយស្បែក ភ្លឺស រលោង ការពារភាពចាស់យ៉ាងមានប្រសិទ្ធភាព។ អត្ថបទ “Hello គ្រូពេទ្យ” មួយនេះ នឹងប្រាប់ពីទំនាក់ទំនងរវាងវីតាមីន C និងសុខភាពស្បែកឲ្យបានដឹងទាំងអស់គ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១- ការពិតពីវីតាមីន C
វីតាមីន C អាចជួយថែរក្សាសម្រស់ និងបង្កើនចរន្តឈាមបាន ជួយបំផ្លាញអុកស៊ីហ្សែនសកម្ម និងការពារស្បែកពីភាពចាស់ ជួយបំបាត់អុតស្នាមខ្មៅ និងពណ៌ត្នោតនៅលើស្បែក និងជួយអង់ស៊ីម Tyrosinase ដើម្បីកាត់បន្ថយ ការផលិតជាតិមេឡានីន ដូចជាការពារ កុំឲ្យបង្កើត និងភាពមិនច្បាស់នៃសារធាតុមេឡានីនទៀតផង។
វីតាមីន C មាននាទីជួយស្បែកប្រឆាំងរ៉ាឌីកាល់សេរី ដែលជាមូលហេតុធ្វើឲ្យស្បែកឆាប់ចាស់ និងកាន់តែខ្មៅ។ ក្រៅពីនេះ ក៏អាចជួយបង្កើនបរិមាណជាតិស្ករ Glutathione និងវីតាមីន E នៅក្នុងខ្លួនផងដែរ ដែលសារធាតុទាំងពីរនេះ ត្រូវគេស្គាល់ថា ជាសារធាតុប្រឆាំងអុកស៊ីតកម្ម។ Glutathione អាចជួយឲ្យស្បែកផលិតសារធាតុ Pheomelanin ជំនួសសារធាតុ Eumelanin ហើយជាលទ្ធផល ធ្វើឲ្យស្បែកកាន់តែភ្លឺថ្លាជាងមុន។
វីតាមីន C ក៏ជួយព្យាបាលស្នាមពីរបួសបាន ឬជួយស្បែកឲ្យលូតលាស់មកវិញបន្ទាប់ពីកើតមុន មើលទៅក្មេងជាងវ័យ ទន់ និងតឹងណែន។ វាក៏មាននាទី បង្កើនការបញ្ចេញខ្លាញ់ធ្វើឲ្យមុនលើមុខ មានទំហំតូចជាងមុន។
កង្វះវីតាមីន C អាចធ្វើឲ្យយើងងាយមានបញ្ហាស្បែក ឧទាហរណ៏ ដូចជា កើតមានស្នាមជ្រួញលើមុខ ឡើងមុន ស្បែកងាយជាំ មានការហូរឈាម និងធ្វើឲ្យស្លាកស្នាមរបួសមិនងាយជា។
២- វីតាមីន C អាចធ្វើឲ្យស្បែកស
គ្នាយើងត្រូវយល់ដឹងពីជាមុន ពីស្ថានភាពស្បែក និងកម្មផាពរបស់វីតាមីន C។ រចនាសម្ព័នស្បែក មានបីស្រទាប់ គឺស្រទាប់លើ ស្រទាប់កណ្តាល និងស្រទាប់ខាងក្នុង ខណៈ Dermis ដែលជាស្រទាប់ក្រៅបង្អស់នៃស្បែក មានបួនស្រទាប់សំខាន់ៗ បើគិតពីស្រទាប់លើគេបង្អស់ មានស្រទាប់ Horn cell layer, Granule layer, Spine layer និង Bottom layer ហើយស្រទាប់ក្រោមគេ (Bottom layer) ជាស្រទាប់ ផលិតជាតិមេឡានីន បណ្តាលឲ្យមានកើតរង្វង់ខ្មៅលើស្បែក។ វីតាមីន C មាននាទីក្ការពារការកកើត និងលេចឡើងរបស់ជាតិមេឡានីន។ វីតាមីន C ចាំបាច់ត្រូវជ្រាបទៅដល់ភ្នាសក្រោមបង្អស់នៃស្បែក (Epithelium) ដើម្បីទទួលបានប្រសិទ្ធភាព។
៣- វិធីសាស្ត្របញ្ចូលវីតាមីនសេតាមស្បែក
– លាបវីតាមីន C ដោយផ្ទាល់ទៅលើស្បែក៖ គ្នាយើង គួរតែជ្រើសរើសយកផលិតផលណា មានផ្ទុកនូវពពួកវីតាមីន C មានកំហាប់ខ្ពស់ជាមួយនឹងកម្រិត pH មធ្យម ពីព្រោះកម្រិត pH ខ្ពស់ពេក អាចបណ្តាលឲ្យមានការរលាកស្បែកបាន។ ឯគុណវិបត្តិញ វីតាមីន C មិនអាចជ្រាបចូលទៅក្នុងស្បែកបានល្អទេ។
– វីតាមីន C ទទួលបានពីអាហារ៖ ជាទូទៅវីតាមីន C អាចឃើញមាននៅក្នុងផ្លែឈើ បន្លែ ហើយក៏ជាវិធីដែល ត្រូវគេប្រើប្រាស់យ៉ាងទូលំទូលាយ និងមានសុវត្ថិភាព ដើម្បីស្បែកទទួលបានសារធាតុសំខាន់មួយនេះ។ ប៉ុន្តែដើម្បីទទួលបានផល គ្នាយើងត្រូវញ៉ាំអាហារ មានផ្ទុកវីតាមីន C ជាប្រចាំ និងរយៈពេលយូរ។
– ចាក់វីតាមីន C ដោយផ្ទាល់ចូលទៅក្នុងស្បែក៖ វិធីនេះ មានគ្រោះថ្នាក់ខ្លាំង ដោយសារវាងាយធ្វើឲ្យយើងមានប្រតិកម្ម។ បើគ្នាយើង មានប្រតិកម្ម ឬពុល ដោយពពួកវីតាមីននោះ នឹងបង្កក្តីបារម្ភខ្លាំង ព្រោះការពុលពពួកជាតិវីតាមីន មានគ្រោះថ្នាក់ជាងការពុលសារជាតិផ្សេងៗទៅទៀត។
– ផឹកវីតាមីន C៖ ដោយសារការប្រើប្រាស់វីតាមីន C ធ្វើឲ្យងាយមានអន្តរកម្មនឹងថ្នាំផ្សេងៗទៀត ដែលមិនមែនសម្រាប់ព្យាបាលជំងឺស្បែក ហេតុនេះ ការផឹកវីតាមីន C ជាវិធីដែលងាយស្រួល និងមានប្រសិទ្ធភាពមួយ។
ទោះយ៉ាង គ្នាយើងមិនគួរប្រើវីតាមីន C ច្រើនពេកទេ ដោយសារអាចធ្វើឲ្យប៉ះពាល់ដល់សុខភាពយើង ដូច្នេះត្រូវប្រើប្រាស់វីតាមីន C ក្នុងកម្រិតរាងកាយយើង អាចទទួលបាន និងមានប្រសិទ្ធភាពខ្ពស់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet