រុស្ស៊ី៖ គេថាមនុស្សម្នាក់ៗតែងឱ្យតម្លៃភាពស្រស់ស្អាតខុសៗគ្នា។ អ្នកខ្លះឱ្យតម្លៃភាពស្រស់ស្អាត ទៅលើគុណភាពខាងក្នុង ដូចជាអត្តចរិត ខណៈពេលអ្នកខ្លះទៀតឱ្យតម្លៃភាពស្រស់ស្អាតទៅលើរូបរាងដូចជាភាពទន់ភ្លន់ជាដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ក៏មាននារីសាច់ដុំម្នាក់ ដែលមានមុខមាត់ដូចទៅនឹងកូនតុក្កតាជ័រ កំពុងតែទាក់ទាញចំណាប់អារម្មណ៍របស់អ្នកលេងអ៊ីនធើណេតជាច្រើន។
យោងតាមប្រភពបានឱ្យដឹងថា នារីម្នាក់នោះមានឈ្មោះ Julia Vins អាយុ ២៣ឆ្នាំ ជាជនជាតិរុស្ស៊ី រស់នៅក្នុងប្រទេសរុស្ស៊ី។
នាងបាននិងកំពុងតែហ្វឹកហាត់លើកដុំដែកយកសាច់ដុំអស់រយៈពេលរាប់ឆ្នាំ។ នាងចាប់ផ្តើមចូលចិត្តលើកដុំដែកតាំងពីនាងមានអាយុ ១៥ឆ្នាំមកម្ល៉េះ ហើយក្រុមគ្រួសាររបស់នាងក៏គាំទ្រនាងយ៉ាងពេញទំហឹងផងដែរ។
សព្វថ្ងៃនេះ អ្នកនាង Julia Vins អាចលើកទម្ងន់បានដល់ទៅជាង ៤០០ផោន ឬស្មើនឹង ១៨១គីឡូក្រាមបានយ៉ាងងាយស្រួល។
យ៉ាងណាមិញ ក៏មានអ្នកលេងអ៊ីនធើណេតជាច្រើន មានការចាប់អារម្មណ៍នឹងនាងផងដែរ ព្រោះតែនាងជានារីសាច់ដុំដែលមានមុខមាត់ដូចទៅនឹងកូនតុក្កតាជ័រ ដែលមនុស្សម្នាបានដាក់រហស្សនាមឱ្យនាងថា «Muscle Barbie»៕