អង់គ្លេស៖ កាលពីថ្ងៃទី១០ ខែកញ្ញា ឆ្នាំ២០១៩កន្លងទៅនេះ មានចោរពីរនាក់ មិនចង់ខាតកម្លាំងអូសម៉ូតូ បានយកសេះមកសណ្ដោង។ ហេតុការណ៍នេះបានកើតឡើងនៅក្នុងទីប្រជុំជន Dartford ប្រទេសអង់គ្លេស។
យោងតាមវីដេអូដែលថតដោយកាមេរ៉ាសុវត្ថិភាពបានបង្ហាញឲ្យឃើញថា ចោរពីរនាក់ស្ថិតនៅក្នុងវ័យជំទង់ បានលួចយកម៉ូតូរបស់បុរសម្នាក់។ ដោយមិនចង់ខាតកម្លាំងអូសម៉ូតូ ចោរទាំងពីរបានយកខ្សែចងសេះមួយក្បាល ភ្ជាប់ទៅនឹងដៃចង្កូតម៉ូតូទាំងសងខាង រួចសណ្ដោងអូសចេញបាត់ទៅ។
បុរសដែលជាម្ចាស់ម៉ូតូបានឲ្យដឹងថា ម៉ូតូរបស់គាត់ម៉ាក Duke គឺទើបតែទិញបានរយៈពេល២ខែប៉ុណ្ណោះ។ នៅក្នុងថ្ងៃកើតហេតុ គាត់មានភារកិច្ចការងារក្រៅម៉ោងមួយ គឺលាបពណ៌ផ្ទះឲ្យមិត្តភក្ដិ។ គាត់បានទុកម៉ូតូចោល រួចចេញទៅទិញអាហារនៅខាងក្រៅ នៅពេលដែលត្រលប់មកវិញ ម៉ូតូក៏បានបាត់ទៅ។
យ៉ាងណាមិញ បុរសជាម្ចាស់ម៉ូតូបានដាក់ពាក្យបណ្ដឹងទៅកាន់ប៉ូលិស និងប៉ូលិសកំពុងតាមចាប់ខ្លួនចោរវ័យជំទង់ទាំងពីរនាក់នោះហើយ៕
សូមទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 085836679 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
