ចិន៖ ថ្មីៗនេះ មហាជនជាច្រើនមិនពេញចិត្តចំពោះទង្វើគ្រូបង្រៀនម្នាក់ ដែលបានយកក្រណាត់ជូតមុខសិស្សស្រី ដើម្បីបញ្ឈប់ពួកគេពីការផាត់មុខមកសាលារៀន។ ហេតុការណ៍នេះបានកើតឡើងនៅថ្ងៃទី១១ ខែកញ្ញា ឆ្នាំ២០១៩កន្លងទៅនេះ នៅសាលារៀនមួយកន្លែង ក្នុងខេត្ត Guizhou ប្រទេសចិន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមវីដេអូបង្ហាញឲ្យឃើញថា ក្រោយពីថ្ងៃឈប់សម្រាករួចមក សិស្សទាំងអស់បានវិលត្រលប់មកសាលារៀនវិញ ប៉ុន្ដែត្រូវបានគ្រូប្រុសម្នាក់ (មិនបញ្ចេញអត្តសញ្ញាណ) ចាត់វិធានការយកក្រណាត់ជូតមុខសិស្សស្រីទាំងអស់ ដើម្បីកុំឲ្យមានជាប់គ្រឿងសម្អាងដែលពួកគេបានតុបតែង។ រាល់សិស្សស្រីទាំងអស់ត្រូវឈររង់ចាំជូតគ្រឿងសម្អាងឲ្យអស់ពីមុខសិន ទើបអាចចូលក្នុងបរិវេណសាលារៀនបាន។ គ្រូប្រុសនោះបានប្រើកម្លាំងដៃយ៉ាងធ្ងន់ទៅលើការជូតមុខសិស្សស្រី។ ម៉្យាងវិញទៀត គាត់បានប្រើប្រាស់ក្រណាត់មួយប៉ុណ្ណោះដែលគ្មានអនាម័យ សម្រាប់ជូតមុខ។
បន្ទាប់ពីបង្ហោះវីដេអូនោះទៅលើបណ្ដាញអ៊ិនធើណែតរួមមក មានមហាជនមួយចំនួនគាំទ្រចំពោះទង្វើនេះ ប៉ុន្ដែមានមហាជនមួយចំនួនទៀតមិនពេញចិត្តដោយនិយាយថា៖
ក្រោយពីរងការរិះគន់រួចមក អ្នកនាំពាក្យរបស់ខាងសាលាបានបកស្រាយថា ក្រុមគ្រួសាររបស់សិស្សទាំងអស់គឺប្រគល់តួនាទីមកឲ្យខាងសាលាដើម្បីមើលថែ នេះជាអ្វីដែលខាងសាលាត្រូវធ្វើ។ ចំពោះការយកក្រណាត់ទៅជូតមុខសិស្សនេះ ប្រហែលជាអាចធ្ងន់ដៃបន្ដិច និងមិនសមរម្យពិតមែន ប៉ុន្ដែខាងសាលាគ្រាន់តែចង់បំពេញតួនាទីក្នុងការអប់រំសិស្សប៉ុណ្ណោះ។
យ៉ាងណាមិញ ក្រោយពីចាត់វិធានការនោះរួចមក សិស្សស្រីដែលផាត់មុខមកសាលារៀនគឺត្រូវបានកាត់បន្ថយយ៉ាងច្រើនផងដែរ៕
សូមទស្សនាវីដេអូខាងក្រោម៖