ភ្នំពេញ៖ Gilberto Silva គឺជាអតីតកីឡាកដ៏ឆ្នើមរបស់ក្រុមជម្រើសជាតិប្រេស៊ីល ជាពិសេសគឺជាកីឡាករ ដែលត្រូវបានគេកោតសរសើរច្រើន អំឡុងពេលដែលរូបគេលេងឲ្យក្រុមកាំភ្លើងធំ Arsenal។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សGilberto Silva កើតនៅថ្ងៃទី៧ ខែតុលា ឆ្នាំ១៩៧៦ Silva គឺជាក្មេងដែលរស់នៅក្នុងគ្រួសារដែលមានជីវភាពក្រីក្រមួយ ក្នុងប្រទេសប្រេស៊ីល ហើយរូបគេបានចាប់ផ្ដើមចូលលេងបាល់ក្នុងថ្នាលយុវជនរបស់ក្រុម America Mineiro ខណៈរូបគេបានបង្ហាញខ្លួនក្នុងនាមជាកីឡាករឈុតធំក្នុងឆ្នាំ១៩៩៨។
ដោយសារតែទម្រង់លេងរបស់គេមានភាពរីកចម្រើនគួរឲ្យកត់សម្គាល់ រូបគេក៏បានផ្លាស់ទៅលេងនៅក្លឹប Atletico Mineiro និងក្រោយមកក៏បានផ្លាស់ទៅកាន់ក្រុមយក្សអង់គ្លេស Arsenal នៅឆ្នាំ២០០២ ក្នុងតម្លៃប្រមាណ ៤.៥លានផោន។
ក្នុងរយ:ពេលប្រមាណ ៦ឆ្នាំ រូបគេបានវិវត្តខ្លួនក្លាយជាខែ្សបម្រើការពារមួយរូបល្អជាងគេលើលោក ជាពិសេសគឺរូបគេលេងត្រូវជើងគ្នាល្អណាស់ជាមួយដៃគូ និងមិត្ដរួមក្រុមរបស់គេគឺ Patrick Vieira។
Gilberto Silva ត្រូវបានចារឈ្មោះជាប្រវត្ដិសាស្រ្ដជាមួយសមាជិកផ្សេងៗទៀតរបស់គេ ក្នុងក្របខណ្ឌលីគកំពូលអង់គ្លេស ឬ Premier League ដែលបានជួយ Arsenal លើកពានរង្វាន់លីគ ក្នុងរដូវកាល ២០០២-២០០៣ និង ២០០៤ - ២០០៥ ក្នុងនាមជាក្រុមដែលមិនស្គាល់ពាក្យថាចាញ់សោះ ។
Gilberto Silva ត្រូវបានប្រិយមិត្ដបាល់ទាត់ជាច្រើន ជាពិសេសគឺប្រិយមិត្ដរបស់ក្រុមកាំភ្លើងធំ Arsenal កោតសរសើរយ៉ាងខ្លាំងចំពោះទម្រង់លេងរបស់គេ ហើយរូបគេនៅតែដក់ជាប់ក្នុងចិត្ដអ្នកគាំទ្រជានិច្ចនិរន្ដរ៍ទៅ៕