កូរ៉េខាងត្បូង៖ គ្រាន់តែប៉ុន្មានខែ បន្ទាប់ពីព័ត៌មាននៃការទាក់ទងគ្នា របស់ពួកគេទាំងពីរ ពេលនេះKim Min Joon និងKwon Da Mi បានរាយការណ៍ថាពួកគេត្រៀមនឹង រៀបចំពិធីមង្គលការជាមួយគ្នា នៅក្នុងខែតុលាខាងមុខនេះហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយផ្អែកតាម ប្រភពជិតដិតរបស់ ពួកគេទាំងពីរបានឲ្យដឹងថា ទំនាក់ទំនងរបស់ពួកគេទាំងពីរគឺ ពិតជាល្អខ្លាំងណាស់ ហេតុនេះហើយទើបបានជា ពួកគេសម្រេខចិត្តរៀបការតាមបែបធម្មតាៗ។ តាមការបញ្ជាក់បានឲ្យដឹងថា ពួកគេទាំងពីរគឺពិតជាមានការគិតគូរ ប្រុងប្រយ័ត្នខ្លាំងណាស់ ជាមួយគម្រោងនៃ ការរៀបការរបស់ពួកគេ ដោយពួកគេចង់ធ្វើឲ្យវាជាមង្គលការ តូចសម្បញ្ញមួយតែប៉ុណ្ណោះ។ ហើយមង្គលការរបស់អ្នកទាំងពីរ នឹងត្រូវបានអញ្ជើញឲ្យចូលរួមតែ គ្រួសារនឹងមិត្តភក្តិជិតដិតតែប៉ុណ្ណោះ។
គួរបញ្ជាក់ផងដែរថាKim Min Joon គឺជាអតីតតារាបង្ហាញម៉ូត ក៏ប៉ុន្តែក្រោយមកក៏បានវិវត្តន៍ខ្លួន មកធ្វើជាតារាសម្តែងវិញ។ ចំណែកKwon Da Mi ត្រូវបានគេស្គាល់ថាជាសហគ្រិនម៉ូត ដែលនាងបានចាប់ផ្តើមបង្កើតប្រេន នឹងចរាចរលើទីផ្សារជាមួយJessica Jung កាលពីឆ្នាំ២០១៧។ ម្យ៉ាងវិញទៀតក្នុងឆ្នាំ២០១៧ នោះប្រេនរបស់នាងក៏ត្រូវបាន ក្លាយទៅជា ឈ្មោះមួយដែលមានឥទ្ធិពលបំផុត ជាសាកលក្នុងវិស័យម៉ូតដោយBritish Media Business of Fashion ផងដែរ៕