បរទេស៖ យោងតាមអតីតតារាឆ្នើមនៃក្របខ័ណ្ឌ Premier League លោក Noel Whelan បាននិយាយថាកីឡាករ Declan Rice អាចផ្ទេរចេញក្នុងទំហំទឹកប្រាក់ដ៏ច្រើននាពេលអនាគតជាមួយនឹងការផ្ទេរទៅកាន់ក្រុម Manchester United។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ខ្សែបម្រើកណ្តាលរបស់ក្រុម West Ham រូបនេះជាកីឡាករវ័យក្មេងដែលបង្ហាញទម្រង់លេងគួរអោយភ្ញាក់ផ្អើលនៅក្នុង Premier League នាពេលបច្ចុប្បន្ននេះហើយវាសមហេតុផលណាស់ថាការចុះហត្ថលេខារបស់ Man Utd ទៅលើកីឡាកររូបនេះអាចនឹងកើតឡើង។
បិសាចក្រហមខ្វះកីឡាករដែលមានគុណភាពនៅតំបន់កណ្តាលនាពេលបច្ចុប្បន្ននេះ ដូច្នេះកីឡាករ Rice អាចជាបេក្ខភាពដ៍សាកសមកមកពង្រឹងតំបន់កណ្ដាលរបស់ Manchester United បន្ទាប់ពីការចាកចេញរបស់កីឡាករ Ander Herrera ដែលចាកចេញទៅ Paris Saint-Germain នៅរដូវក្ដៅនេះ។
កីឡាករវ័យ២០ឆ្នាំរូបនេះ ហាក់តម្រូវអោយ Manchester United ត្រូវចំណាយលុយធំម្ដងទៀត បន្ទាប់ពីទើបចំណាយលុយបំបែកកំណត់ត្រាទៅលើ Harry Maguire និងកីឡាករតម្លៃថ្លៃ១រូបទៀតគឺ Aron Wan-Bissaka។
លោក Whelan បាននិយាយថា៖
"West Ham មានកីឡាករពិសេសម្នាក់នៅក្នុងដៃរបស់ពួកគេ។ ពួកគេនឹងតស៊ូដើម្បីរក្សារូបគេព្រោះក្លិបធំៗកំពុងចាប់អារម្មណ៍កីឡាកររូបនេះ។ ខ្ញុំគិតថា Declan Rice អាចជាកីឡាករបន្ទាប់ដែលមានតម្លៃខ្លួនថ្លៃជាងគេនៅ Premier League ។ យើងទើបតែឃើញ Harry Maguire ដែលមានតម្លៃខ្លួន ៨០ លានផោនហើយខ្ញុំមិនមានការភ្ញាក់ផ្អើលទេប្រសិនបើ Rice មានតម្លៃខ្លួនលើសពី ៩០ លានផោនទៅទៀត។"
លោក Whelan បានបន្តទៀតថា៖
"គាត់ជាកីឡាករវ័យក្មេងរបស់អង់គ្លេស ដែលមានទេពកោសល្យដែលគាត់ត្រូវដើរលើផ្លូវវែងឆ្ងាយទៀតដើម្បីឈានដល់មក្រិតកំពូល។ បើអ្នកក្រឡេកមើលក្រុមMan United ដែលកំពុងត្រូវការខ្សែបម្រើកណ្ដាលនោះ ដូច្នេះការផ្ទេរប្រហែលជាអាចកើតឡើង៕"
ប្រភព៖ caughtoffside
Bong I.T