អាល្លឺម៉ង់៖ ពិតជារឿងភ្ញាក់ផ្អើលមួយសម្រាប់ទីផ្សារដោះដូរកីឡាកររដូវក្ដៅនេះដែលក្លិប Bayern Munich បានទិញយកកីឡាករខ្សែការពារ Lucas Hernandez។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ខ្សែការពារជម្រើសជាតិបារាំងរូបនេះបានចាកចេញពី Atletico Madrid មកចូលរួមជាមួយជើងឯក Bundesliga រដូវកាលមុនក្នុងតម្លៃខ្លួន ៨០លានអឺរ៉ូ។
Lucas Hernandez គឺជាកីឡាករមួយរូបដែលមិនសូវទទួលបានការចាប់អារម្មណ៍ ប៉ុន្តែក្រោយការបង្ហាញខ្លួនឲ្យជម្រើសជាតិបារាំងក្នុងព្រឹតិ្តការណ៍ FIFA World Cup 2018 រូបគេទទួលបានការចាប់អារម្មណ៍ពីបណ្ដាក្លិបធំៗជាច្រើននៅអឺរ៉ុប។
និយាយនៅក្នុងបទសម្ភាសន៍មួយជាមួយ Canal Football Club ខ្សែការពារវ័យ ២៣ឆ្នាំ Hernandez បានប្រាប់ពីអារម្មណ៍របស់ខ្លួនជុំវិញតម្លៃខ្លួនរបស់គេថា៖
“គ្មាននរណាម្នាក់នៅបារាំងស្គាល់ខ្ញុំទេ កាលពីមួយឆ្នាំកន្លះមុន។ គ្មាននរណាគិតថារយៈពេល មួយឆ្នាំកន្លះមកនេះ ខ្ញុំអាចមានតម្លៃខ្លួនដល់ ៨០លានអឺរ៉ូនោះទេ។”
ឆ្លើយសំណួរថាហេតុអ្វីបានជា Bayern Munich ហ៊ានចំណាយប្រាក់ ៨០លានអឺរ៉ូដើម្បីទិញយករូបគេ ខ្សែការពារដែលកើតនៅទីក្រុង Marseille បានពន្យល់ថា៖
“ខ្ញុំបាននៅ Madrid ជាយូរ ហើយខ្ញុំបាននិងកំពុងតែស្វែងរកអ្វីថ្មី។ ខ្ញុំចង់ទទួលបានវប្បធម៌ថ្មី ដែលជារបៀបនៃការគិតបែបថ្មី។”
ប្រភព៖ Marca
Bong I.T