កុំចង់ខ្លាំងជាមួយសម្រស់ហ៊្សីនកូនពៅក្រុម Twice ទោះចង់ថតជិតយ៉ាងណាក៏នៅតែស្អាត គ្មានចន្លោះ!

កូរ៉េខាងត្បូង៖ កាលពីថ្ងៃទី៧ ខែកញ្ញា​កន្លងទៅថ្មីៗនេះ គេបានប្រទះឃើញក្រុមចម្រៀងនារី កំពុងមានប្រជាប្រិយភាព Twice បានធ្វើដំណើរទៅកាន់ព្រលានយន្តហោះអន្តរជាតិ Gimpo International Airport ដើម្បីហោះឆ្ពោះទៅបំពេញការងារនៅឯទីក្រុង Tokyo ប្រទេសជប៉ុន។

តួយ៉ាង ការបង្ហាញខ្លួនរបស់ក្រុមចម្រៀងស្រីស្រស់ទាំងប៉ុន្មានដួងនេះ ក៏មិនខុសពីរាល់ដងផងដែរ ពោលគឺសម្រស់ដ៏ចែងចាំងរបស់ពួកគេ តែងតែទាក់ទាញចំណាប់អារម្មណ៍ ប្រិយមិត្តទស្សនិកជនជានិច្ចពុំដែលខានឡើយ។

មិនតែប៉ុណ្ណោះ ក្នុងនោះផងដែរ យើងតែងសង្កេតឃើញថា រាល់ការបង្ហាញវត្តមានរបស់កូនពៅ ប្រចាំក្រុម Twice គឺតារាចម្រៀងស្រីវ័យ២០ឆ្នាំ Tyuzu ម្តងៗ តែងតែធ្វើឲ្យអ្នកគាំទ្រមានការចាប់អារម្មណ៍ចំពោះនាងយ៉ាងខ្លាំងពិសេសជាងគេតែម្តង មិនថាតែការតុបតែងខ្លួន ក៏ដូចជាស្បែកនិងរាងរៅជាដើម គឺនាងតែងតែទទួលបានការកើតសរសើរពីសំណាក់មហាជន។

ជាក់ស្តែង ក៏ដូចជាការបង្ហាញខ្លួនលើកនេះ Tyuzu ក៏កាន់តែធ្វើអ្នកគាំទ្របើកភ្នែកធំៗបន្ថែមទៀត ដោយសារតែសាច់មុខដ៏ស្រស់ស្អាតឥតខ្ចោះរបស់នាង។ ជាការពិតណាស់ បើនិយាយឲ្យចំៗទៅ គឺបើទោះបីជា Tyuzu ត្រូវក្រុមអ្នកការសែត និងក្រុមអ្នកគាំទ្រ ព្យាយាមថតយ៉ាងជិតមុខនាងយ៉ាងណាក៏ដោយ នាងក៏នៅតែស្រស់ស្អាត សាច់មុខសរលោងគ្មានស្នាមគ្មានមុន គួរឲ្យច្រណែនតែម្តងផងដែរ៕