Gilberto Silva វីរបុរស Arsenal និយាយ​ពីវត្តមាន​របស់​ខ្លួន​នៅស្រុកខ្មែរ!

ភ្នំពេញ៖ ​នា​ឱកាស​មក​ដល់​ទឹក​​ដី​ខ្មែរ​ជា​លើក​ដំបូង អតីត​កីឡាករឆ្នើម​របស់ Arsenal គឺ ​Gilberto Silva បាន​អះអាង​ថា វត្តមាន​របស់​រូប​គេ​នៅ​ទឹក​ដីខ្មែរ​ គឺ​ជា​ការ​លើក​ទឹក​ចិត្ត​មួយ​ដល់​​អ្នក​ស្នេហា​វិស័យ​បាល់ទាត់​​​ ជាពិសេសអ្នកគាំទ្ររបស់ Arsenal ផ្ទាល់ ។

ក្នុង​រយៈកាលជិត ១ សប្តាហ៍កន្លងទៅនេះ រូបលោកមានចិត្តរំភើបជាក្រៃលេង ព្រមទាំងបានរៀបរាប់អំពីវត្តមានរបស់ខ្លួនទៀតផង។

- នៅថ្ងៃទី 6 កញ្ញា ដែលលោកមកដល់អាកាសយានដ្ឋានអន្តរជាតិភ្នំពេញ ដែលមានការទទួលស្វាគមន៍យ៉ាងកក់ក្តៅពីសំណាក់ Fan របស់ខ្លួន ជាពិសេសក្រុមហ៊ុនស្រាបៀរ GANZBERG។

- ព្រឹកថ្ងៃទី 7 កញ្ញា លោកបានចូលរួមជួបសំណេះសំណាលជាមួយឯកឧត្តម ស សុខា អនុប្រធានសហភាពសហព័ន្ធយុវជនកម្ពុជា ស្តីអំពីវិស័យកីឡាបាល់ទាត់ ក៏ដូចគោលបំណង Arsenal នៅស្រុកខ្មែរ ។ លុះដល់ពេលរាត្រីថ្ងៃនេះដដែលលោក Gilberto Silva តំណាងឲ្យ Arsenal បានចុះកិច្ចព្រមព្រៀងពាណិជ្ជកម្មក្លាយជាដៃគូផ្លូវការជាមួយក្រុមហ៊ុនស្រាបៀរ GANZBERG ដែលប្រារព្ធធ្វើឡើងកាលពីថ្ងៃទី 07 កញ្ញា 2019 ក្នុងព្រឹត្តិការណ៍ GANZBERG Uber Night World Class Party នៅសណ្ឋាគារ សុខា រាជធានីភ្នំពេញ។

- កាលពីព្រឹកទី 8 កញ្ញា នេះ Gilberto Silva វីរបុរស Arsenal រួមជាមួយអ្នកគាំទ្រ លើកគ្នាធ្វើទស្សនកិច្ចនៅព្រះបរមរាជវាំង ព្រមទាំងសិក្សាពីប្រវត្តិសាស្រ្ត វប្បធម៌~អរិយធម៌ ជាច្រើនផងដែរ ។ លើសពីនេះទៅទៀតលោកបានអញ្ជើញជាកិត្តិយសថតរូប​ និងហត្ថលេខាដល់អ្នកគាំទ្រ ព្រមទាំងប្រគល់ពានរង្វាន់ដល់អធិរាជវាលស្មៅ GANZBERG CUP 2019 រដូវកាល4 ពានរង្វាន់ 15,000 ដុល្លារផងដែរ។

គួរបញ្ជាក់ផងដែរថា Arsenal  គឺជាក្លឹបបាល់ទាត់ពិភពលោកដ៏ល្បីល្បាញ ដែលបានឈ្នះ​បានពានធំៗជាច្រើននៅទ្វីបអឺរ៉ុប មានអ្នកគាំទ្រយ៉ាងច្រើនលើសលុបពាសពេញ​ពិភពលោក ស័ក្តិសមជាដៃគូលំដាប់ពិភពលោកជាមួយក្រុមហ៊ុនស្រាបៀរ GANZBERG ជាស្រាបៀរគុណភាពកម្រិតពិភពលោក ផលិតឡើងដោយជនជាតិអាល្លឺម៉ង់ ដែលបានសាងកំណត់ត្រាយ៉ាង​អស្ចារ្យ​បំផុតឈ្នះមេដាយមាសបីឆ្នាំផ្ទួនៗ ២០១៧ ២០១៨ ២០១៩ ពីស្ថាប័នកំពូល Monde Selection​ប្រដូចនឹងពាក្យពេជន៍ដ៏វិសេសវិសា “GANZBERG គុណភាពកម្រិតពិភពលោកដៃគូកម្រិតពិភពលោក”៕