ភ្នំពេញ៖
ដូចដែលប្រិយមិត្តបានជ្រាបរួចមកហើយ ពីបទចម្រៀងជាច្រើនរបស់តារាចម្រៀងប្រុសវ័យក្មេង
និងពូកែរ៉េបលោក វណ្ណដា ជាពិសេសនោះគឺបទចម្រៀង J+O មានការគាំទ្រយ៉ាងខ្លាំងពីសំណាក់មិត្តៗយុវវ័យក្នុងពេលបច្ចុប្បន្ននេះតែម្ដង។
លើសពីនេះទៅទៀតនោះ បទចម្រៀងដ៏មានការពេញនិយមមួយនេះ ត្រូវបានការផ្សព្វផ្សាយបណ្ដាញសង្គមYouTube គ្រប់ទិសទីនោះ មានអ្នកទស្សនាជាង៤លានដងត្រឹមរយៈពេលជាង៧ខែតែប៉ុណ្ណោះ
ធ្វើឲ្យបទចម្រៀងមួយនេះមិនថាក្មេងចាស់ ប្រុស ស្រីនោះទេសុទ្ធបានស្គាល់ពីបទចម្រៀងរបស់លោក។
យ៉ាងណាមិញ កាលពីយប់មិញនេះផងដែរ លោក វណ្ណដា ក៏បានបញ្ចេញMV ក្នុងបទចម្រៀង J +O របស់ខ្លួន
ជាលើកដំបូងនៅលើបណ្ដាញសង្គម ធ្វើឲ្យបណ្ដាអ្នកគាំទ្រមានការភ្ញាក់ផ្អើលខ្លាំងតែម្ដង ។
ដោយនៅក្នុង MV នោះផងដែរ គេសង្កេតឃើញថា លោក វណ្ណដា
បានបង្ហាញសកម្មភាពជាច្រើនទាំងក្នុង និង ក្រៅប្រទេស មើលទៅពិតជាមានភាពទាក់ភ្នែកខ្លាំងតែម្ដង។
គួរឲ្យដឹងផងដែរថា
ត្រឹមរយៈពេលមិនដល់២៤ម៉ោងផងបទចម្រៀងមួយបទនេះ ទទួលបានការចូលទស្សនាយ៉ាងច្រើននៅលើគណនីYouTubeរបស់លោក វណ្ណដា ៕
តោះទៅទស្សនាវីដេអូទាំងអស់គ្នា៖