ជាតារាចម្រៀងមែន ប៉ុន្តែសមាជិកក្រុម IZONE ដើរម៉ូតឡូយខ្លាំង មិនចាញ់អ្នកអាជីព (មានវីដេអូ)

កូរ៉េខាងត្បូង ៖ នេះជាការបង្ហាញខ្លួនជាលើកដំបូង របស់សមាជិកក្រុមចម្រៀងស្រី IZONE នៅក្នុងកម្មវិធី Tokyo Girls Collection A/W ប្រចាំឆ្នាំ ២០១៩។ ហើយនេះក៏ជាឱកាសដែល សមាជិកក្រុមពីរនាក់គឺ Sakura Miyawaki និង Jang Won Young បានធ្វើការបង្ហាញខ្លួនជាអ្នកបង្ហាញម៉ូតលើកដំបូង នៅក្នុងកម្មវិធីផងដែរ។

ទោះបីនេះជាការដើរម៉ូតលើកដំបូង ប៉ុន្តែតារាស្រីរូបស្រស់ទាំងពីរដួង មិនបានធ្វើឲ្យប្រិយមិត្ត អ្នកគាំទ្រអស់សង្ឃឹមឡើយ។ ពួកគេទាំងពីរ បានបង្ហាញទេពកោសល្យថ្មី ដែលហ្វេនៗមិនបានធ្លាប់បានដឹងពីមុនមក គឺការដើរម៉ូតនៅលើឆាកដោយភាពជឿជាក់។

ក្នុងនាមជាតារាចម្រៀងអាជីព ប៉ុន្តែអាចដើរម៉ូតបានស្រស់ស្អាត និងជឿជាក់យ៉ាងនេះ គឺពិតជាគួរឲ្យសរសើមែន។ ម្ដងនេះពួកគេទាំងពីរ បានធ្វើឲ្យហ្វេនៗមានមោទនភាពយ៉ាងខ្លាំង៕

ចង់ដឹងថា តើតារាស្រីទាំងពីរដួង មានភាពស្រស់ស្អាតប៉ុណ្ណានៅក្នុងកម្មវិធី?

តោះមកទស្សនារូបភាព និងវីដេអូខាងក្រោម ៖