អេស្ប៉ាញ៖ប្រធានក្លិប Barcelona លោក Josep Maria Bartomeu បានបញ្ជាក់ប្រាប់អ្នកកាសែតថាខ្សែប្រយុទ្ធ Lionel Messi អាចចាកចេញពីក្លិបបាន បើសិនជាគេចង់ចាកចេញនៅពេលចប់រដូវកាលនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
យ៉ាងណាមិញ ប្រធានក្លិបដែលមានមូលដ្ឋាននៅតំបន់កាតាឡាន់មួយនេះជឿជាក់ថា ខ្សែប្រយុទ្ធជម្រើសជាតិអាហ្សង់ទីនរូបនេះនឹងបន្តរួមរស់នៅកីឡដ្ឋាន Camp Nou នារដូវកាលក្រោយទៀត។
ថ្លែប្រាប់អំពីស្ថានភាពរបស់ Messi តាមរយៈកញ្ចក់ទូរទស្សន៍ Barca TV លោក Bartomeu បានលើកឡើងយ៉ាងដូច្នេះថា៖
“គេ (Messi) នៅសល់កុងត្រាមួយដែលយើងបានចុះជាមួយគ្នាកាលពី ២ឆ្នាំមុន។ នៅសល់ ១ឆ្នាំចុងក្រោយ គេអាចចាកចេញពី Barcelona មុនពេលដែលរដូវកាល ២០២០-២០២១ ចាប់ផ្ដើម។”
លោក Bartomeu បានបន្តទៀតថា៖
“នេះគឺជារឿងដែលកីឡាករផ្សេងៗទៀតធ្លាប់បានធ្វើដូចជា Xavi, Iniesta និង Puyol នៅពេលដែលពួកគេនៅសល់កុងត្រា ១ឆ្នាំ។ ប៉ុន្តែខ្ញុំជឿថា Leo(Messi) នឹងមិនទៅលេងឲ្យក្លិបណាផ្សេងក្រៅពី Barcelona ហើយគេនឹងបន្តលេងឲ្យយើងដល់ឆ្នាំ២០២១ នៅពេលដែលកុងត្រាគេផុតសុពលភាព។”
គួរឲ្យដឹងដែរថា Lionel Messi បានចូលរួមជាមួយក្រុមធំរបស់ Barcelona តាំងពីឆ្នាំ២០០៤ ដោយគិតមកទល់ពេលនេះគេចូលលេងឲ្យអ្នកមានបុណ្យបាន ៤៥២ប្រកួត និងអាចរកគ្រាប់បាល់បាន ៤១៩គ្រាប់ក្នុងនាមជាខ្សែប្រយុទ្ធ៕
ប្រភព៖ Marca
Bong I.T