ភ្នំពេញ៖ ការប្រកួតប្រដាល់គុនខ្មែរ ដណ្ដើមខ្សែក្រវ៉ាត់របស់ស្ថានីយ៍ទូរទស្សន៍បាយ័ន កាលពីថ្ងៃសុក្រកន្លងទៅ អ្នកលេងជង្គង់មកពីក្លិបក្រសួងការពារជាតិ កីឡាករ ប៊ុន សុធា បានប្រកួតឈ្នះកីឡាករឆ្លងដែនមកពីប្រទេសថៃ ផាយ៉ាកហិរ៉ាន់ ដោយផ្ដួលកីឡាករថៃឲ្យសន្លប់នៅក្នុងទឹកទី៤។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប្រកួតនៅក្នុងទឹកទី១ ប៊ុន សុធា បានប្រើជើងដើម្បីធាក់ និងទាត់ទៅលើកីឡាករថៃ ដែលបានធ្វើការប្រកួតនោះជក់ចិត្តតាំងពីទឹកទី១ ទៅតែម្ដង។ ឈានចូលទឹកទី៣ ទាំងកម្ពុជា និងថៃបានចេញអាវុធធ្ងន់ៗវាយទៅលើគ្នាទៅវិញទៅមក ជាពិសេសគឺទាត់ និងកែង ដោយនៅពាក់កណ្ដាលទឹកទី២ ផាយ៉ាក បានទាត់ឆ្អឹងជំនីរបស់ប៊ុន សុធា ឲ្យលោកអាជ្ញាកណ្ដាល។ យ៉ាងណា ក្រោយតែពីលោកអាជ្ញាកណ្ដាលរាប់រួច ប៊ុន សុធា បានតាមវាយកីឡាករថៃវិញខ្លាំងៗ ដោយប្រើផ្លែកែង រហូតវាយកីឡាករថៃឲ្យបោះបង់ការប្រកួតនៅក្នុងទឹកទី៤៕
ចង់ឃើញថាការប្រកួតនោះសម្រុកគ្នាល្អមើលយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖