កូរ៉េខាងត្បូង៖ អ្នកសិល្បះភាគច្រើន ពួកគេតែងតែចង់បង្ហាញ នៅអ្វីដែលល្អបំផុតរបស់ខ្លួន ទៅកាន់អ្នកទស្សនា បើទោះប្បីជាពួកគេ កំពុងតែមានបញ្ហាអ្វីក៏ដោយ ក៏ប៉ុន្តែនៅពេលដែលឡើងដល់លើឆាកគឺ ត្រូវតែផ្តល់ឲ្យអ្នកគាំទ្រនៅស្នាមញញឹម នឹងភាពរីករាយជារឿងសំខាន់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាម៉ិញ អ្នកខ្លះគិតថាអ្នកសិល្បះ តែងតែសប្បាយមិនសូវចេះ កើតទុក្ខដូចគេនោះទេ។ ប៉ុន្តែប្រសិនបើគិតបែបនេះ គឺមិនត្រូវនោះទេ បើទោះពួកគេជាអ្នកសិល្បះក៏ដោយ ក៏ប៉ុន្តែពួកគេក៏ជា មនុស្សដូចជាយើងដែរ។ ពួកគេក៏ចេះកើតទុក្ខ សោកសៅ នឹងពេលខ្លះពួកគេទទួលរងនៅសម្ពាធ និងភាពឯកកាជាងអ្នកធម្មតាទៅទៀត។ អ្នកសិល្បះខ្លះហ៊ឺហារតែនៅ លើឆាកតែប៉ុណ្ណោះ តែនៅខាងក្រៅវិញ កំពុងតែខ្វះខាត អ្នកខ្លះទៀតខំប្រឹងធ្វើឲ្យខ្លួនឯង សើចសប្បាយជាមួយអ្នកគាំទ្រ នៅពេលដែលឡើងសម្តែង លើឆាកម្តងៗ តែខាងក្រោយវិញគឺ កាន់តែឯកកាបំផុតផងដែរ។
ជាក់ស្តែងដូចជាតារាK-pop ទាំង៦ដួងនេះ ពួកគេតែងតែលាក់នៅភាពឯកកា របស់ខ្លួននៅពីក្រោយស្នាមញញឹម ដ៏រីករាយរបស់ពួកគេនៅពេលដែល ឡើងសម្តែងលើឆាកម្តងៗ។ បើទោះបីជាពួកគេ ទាំងប៉ុន្មានដួងនេះសុទ្ធសឹងតែជា អ្នកដែលទទូលបាននៅប្រជាប្រិយភាពយ៉ាងច្រើន ពីបណ្តាអ្នកគាំទ្រយ៉ាងណាក៏ដោយ ក៏ប៉ុន្តែពួកគេនៅតែមានអារម្មណ៍ថា ឯកកាខ្លាំងនៅក្នុងអាជីពជា អ្នកតារាចម្រៀងរបស់ពួកគេដដែល៕
ចង់ដឹងថាពួកគេជាអ្នកណាខ្លះទៅទស្សនាទាំងអស់គ្នា៖
១. Taeyeon ប្រធានក្រុម Girls’ Generation
Taeyeon ធា្លប់បាននិយាយថា អាជីពជាអ្នកចម្រៀងគឺជាអាជីពមួយ ដែលឯកកាបំផុត នៅលើលោកនេះ។ នាងនិយាយថា នាងមានអារម្មណ៍ថាទទេស្អាត នៅពេលដែលចុះពីលើឆាកម្តងៗ ជាពិសេសនៅពេលដែល នាងមិនអាចបង្ហាញឲ្យអ្នកគាំទ្រ នាងបានឃើញនៅអ្វីគ្រប់យ៉ាង ដែលនាងបានត្រៀមរៀបចំទុក ជាច្រើនខែកន្លងមកហើយនោះ។ ម្យ៉ាងវិញទៀតTaeyeon កាន់តែមានអារម្មណ៍ថា ឯកកាខ្លាំងនៅពេលដែលត្រូវត្រឡប់ទៅកាន់ បន្ទប់សណ្ឋាគារដ៏ទទេស្អាត បន្ទាប់ពីបញ្ចប់ការប្រគុំតន្ត្រីវិញនោះ។
២. G-Dragon ប្រធានក្រុម BIGBANG
ប្រធានក្រុមរូបនេះ ធ្លាប់បានបញ្ជាក់ថាលោកទទួលនៅ ភាពឯកកាបំផុត នៅរាល់ពេលដែល បញ្ចប់ការប្រគុំតន្ត្រីម្តងៗ។ នៅពេលមួយG-Dragon បានចូលរួមក្នុងកម្មវិធីHappy Together ហើយបាននិយាយថា៖
“វាពិតជាឯកកាខ្លាំងណាស់ បន្ទាប់ពីការប្រគំតន្ត្រី ពីព្រោះអ្នកគ្រប់គ្នាត្រូវត្រឡប់ទៅ កាន់បន្ទាប់របស់ពួកគេរៀងៗខ្លួនវិញ។ មនុស្សជាច្រើនគិតថា ពួកយើងប្រាកដជាទទួលបាន នៅការឳប រៀបចំនៅការជប់លាងយ៉ាងសប្បាយ បន្ទាប់ពីការប្រគុំតន្ត្រីនោះ ក៏ប៉ុន្តែការពិតវាមិនដូច្នោះនោះទេ។”
៣. BoA
BoA បាននិយាយថា មានមនុស្សជាច្រើនកំពុងតែ គេងលង់លក់ស្របពេលដែល នាងត្រូវហាត់បន្ថែមជាច្រើនម៉ោង។ BoA បានបញ្ជាក់ថា៖
“មានយប់ជាច្រើន ដែលខ្ញុំគេងមិនលក់ រហូតដល់ពេលខ្លះ ទល់ភ្លឺវិញទៀតផង។ គ្រប់ពេលដែលខ្ញុំគេងមិនលក់ ខ្ញុំពិតជាមានអារម្មណ៍ ថាពិបាកខ្លាំងណាស់”។
៤. Sunggyu ក្រុមINFINITE
Sunggyu ធ្លាប់បាននិយាយថា៖
"គ្រប់ពេលដែល ខ្ញុំបញ្ចប់ការប្រគុំតន្ត្រីម្តងៗ ខ្ញុំគឺចាប់ផ្តើមបារម្ភថា តើអ្នកគាំទ្រនឹងលើកទឹកចិត្តដល់ខ្ញុំ ដូចដែលពួកគេធ្លាប់បានធ្វើដែលឬទេ។ ហើយខ្ញុំនៅតែបន្តគិតថា ពួកគេនឹងមិនធ្វើនោះទេ។ "
៥. Suzy
Suzy បាននិយាយថា នាងធា្លប់បានបាក់ទឹកចិត្ត នៅពេលមួយនោះ នាងកំពុងតែសើចសប្បាយជាមួយ មិត្តរបស់នាងសុខៗ ក៏ប៉ុន្តែភ្លាមៗនោះ នាងក៏ស្រាប់តែមានអារម្មណ៍ សោកសៅវិញផងដែរ។
៦. IU
IU ធ្លាប់បាននិយាយនៅ ក្នុងកម្មវិធីHealing Camp ថា៖
“ខ្ញុំបានចាប់ផ្តើមលែងជឿជាក់លើខ្លួនឯង ហើយស្អប់ខ្លួនឯង ដូច្នេះហើយវាក៏ចាប់ផ្តើម ធ្វើឲ្យខ្ញុំធា្លក់ចុះ ហើយបានបោះបង់ នៅការព្យាយាមគ្រប់យ៉ាងផងដែរ។”
Bong I.T