លោកយាយវ័យ ៧៤ឆ្នាំម្នាក់ ជាប់ឈ្មោះជាម្តាយចំណាស់បំផុតលើលោក ក្រោយកើតកូនភ្លោះបានមួយគូ (មានវីដេអូ)

ឥណ្ឌា៖ លោកយាយចំណាស់ម្នាក់ដែលមានវ័យដល់ទៅ ៧៤ឆ្នាំ បានជាប់ឈ្មោះក្លាយទៅជាម្តាយចំណាស់បំផុតលើលោក ក្រោយពីកើតកូនភ្លោះបានមួយគូ។

យោងតាមប្រភពបានឱ្យដឹងថា លោកយាយម្នាក់នេះមានឈ្មោះ Erramatti Mangayamma មានវ័យ ៧៤ឆ្នាំ ហើយប្តីគាត់ឈ្មោះ Rajarao វ័យ៨០ឆ្នាំ មុខរបរធ្វើស្រែចម្ការ រស់នៅក្នុងភូមិតូចមួយ ក្នុងតំបន់ Nelapartipadu ប្រទេសឥណ្ឌា។

លោកយាយ Erramatti បានរៀបការជាមួយលោកតា Rajarao ក្នុងឆ្នាំ១៩៦២ ប៉ុន្តែពួកគាត់ព្យាយាមជាច្រើនឆ្នាំមកហើយ នៅតែគ្មានកូននឹងគេមួយគ្រាប់សោះ ប៉ុន្តែថ្មីៗនេះទើបតែមាននឹងគេ។

បន្ទាប់ពីព្យាយាមអស់រយៈពេលជាង៦០ឆ្នាំ នៅទីបំផុតលោកយាយ Erramatti ក៏បានបង្កើតកូនភ្លោះស្រីមួយគូបានសម្រេច។

លោកវេជ្ជបណ្ឌិត Umasankar បាននិយាយថា កូនភ្លោះស្រីមួយគូនេះ កើតមកគឺមានសុខភាពល្អ ហើយពួកគេមានទម្ងន់ជាង ២គីឡូក្រាម ហើយបើទោះបីជាលោកយាយ Erramatti មិនអាចបំបៅដោះកូនបានក្តី ក៏យើងអាចផ្តល់ទឹកដោះឱ្យកូនទាំងពីរនេះបានតាមរយៈការប្រើប្រាស់ទឹកដោះពីធនាគារទឹកដោះ (milk bank) បានដែរ។

យ៉ាងណាមិញ ទាំងម្តាយទាំងកូនគឺមានសុខភាពល្អប្រសើរ ក្រោយពីសម្រាកនៅក្នុងមន្ទីរពេទ្យមួយរយៈ ហើយលោកយាយ Erramatti Mangayamma ក៏បានជាប់ឈ្មោះក្លាយទៅជាម្តាយចំណាស់បំផុតលើលោកផងដែរ៕

ទស្សនារូបភាព និងវីដេអូខាងក្រោម៖