អង់គ្លេស៖ កីឡាករ Youri Tielemans បាននិយាយថា Leicester គឺជាកន្លែងដ៏ត្រឹមត្រូវសម្រាប់ខ្លួន ក្នុងការលេងបាល់ទាត់ បើទោះបីជាមានការចាប់អារម្មណ៍ពីក្រុម Arsenal និង Manchester United ក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករវ័យក្មេងសញ្ជាតិបែលហ្ស៊ិករូបនេះ បានស្ថិតនៅលើរ៉ាដារបស់ក្រុមកាំភ្លើងធំ និងបិសាចក្រហមនៅរដូវក្តៅនេះ ដោយកីឡាកររូបនេះផ្លាស់ពី Monaco ទៅកីឡដ្ឋាន King Power Stadium ក្នុងកិច្ចព្រមព្រៀង ៤០ លានផោន ។
លោក Brendan Rodgers អ្នកចាត់ការទូទៅក្រុម Leicester City បានធ្វើឱ្យកីឡាករវ័យ ២២ ឆ្នាំរូបនេះ ក្លាយជាគោលដៅសំខាន់បំផុតសម្រាប់ Leicester នៅរដូវក្តៅនេះ ដោយបានចុះកិច្ចព្រមព្រៀងមួយជាមួយ Monaco យកកីឡាកររូបនេះ បើទោះបីជាមានការចាប់អារម្មណ៍ពីក្លិបកំពូលៗ មួយចំនួនរបស់អង់គ្លេសក៏ដោយ។ លោកបានចុះកិច្ចសន្យា ៤ ឆ្នាំនៅ East Midlands ហើយនិយាយថា Leicester គឺស័ក្តិសមនឹងលោកនៅពេលបច្ចុប្បន្ននេះ។
Tielemans បាននិយាយក្នុងការប្រកួតជម្រុះ Euro ២០២០ របស់ប៊ែលហ្ស៊ិកទល់នឹងសាន់ម៉ារីណូ និងស្កុតឡែនថា៖
"ក្នុងកំឡុងពេលដោះដូរកីឡាករ ខ្ញុំសប្បាយចិត្តដែលទទួលបានការចាប់អារម្មណ៍ពីក្លិបធំៗមួយចំនួន" ។
កីឡាកររូបនេះបានបន្តទៀតថា៖
“ខ្ញុំត្រូវធ្វើការជ្រើសរើសសម្រាប់អាជីពរបស់ខ្ញុំ ហើយខ្ញុំគិតថាវាជាការត្រឹមត្រូវដែលជ្រើសរើស Leicester City ។ ពួកគេស្គាល់ខ្ញុំនៅ Leicester ហើយ។ អំឡុងពេលខ្ចីជើងនៅទីនេះ គឺជាពេលវេលាដ៏អស្ចារ្យណាស់។ ខ្ញុំចង់បន្តលេងនៅក្លិបនេះទៀត” ។
គួររម្លឹកផងដែរថា Tielemans បានចូលរួមជាមួយ Leicester City ក្នុងលក្ខខណ្ឌខ្ចីជើងពីខែមករាដោយរកបាន ៣ គ្រាប់និងបញ្ជូនឲ្យមិត្តរួមក្រុមបាន ៤ គ្រាប់៕
ប្រភព៖ Mirror
Bong I.T