ថៃ៖ សម្រាប់តារាចម្រៀង និងតារាសម្តែងស្រីរាងខ្ពស់ស្រឡះ Kaew Jarin បើសាកគិតត្រលប់ទៅកាលពី១០ឆ្នាំមុន ពេលដែលនាងចូលប្រឡូកនៅក្នុងវិស័យសិល្បៈដំបូង Kaew ត្រូវបានគ្រប់គ្នាសង្ស័យថាជា Tomboy ព្រោះទាំងការតែងខ្លួន និងចរិតរបស់នាងមានលក្ខណៈស្រដៀងទៅនឹងមនុស្សប្រុស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយពេលនោះ Kaew តែងតែកាត់សក់ខ្លីជានិច្ច ហើយបើនិយាយពីស្ទាយ៍ស្លៀកពាក់វិញ គឺធំៗ រលុងៗបែបមនុស្សប្រុសតែម្តង ទាំងអស់នេះហើយជាមូលហេតុដែលគេគ្រប់គ្នាសង្ស័យថា នាងជា Tomboy ។
ដោយឡែក កាលពីពេលថ្មីៗនេះ តារាស្រីវ័យ ២៧ឆ្នាំរូបនេះ ក៏បានធ្វើការបកស្រាយរាល់ចម្ងល់ ដែលតែងតែដក់ជាប់នៅក្នុងចិត្តរបស់អ្នកគាំទ្រយ៉ាងដូច្នេះថា៖
«កាលពីមុនមើលមកខ្ញុំស្រដៀង Tomboy ព្រោះតែខ្ញុំជាអ្នកសិល្បៈដូច្នេះកាយវិការត្រូវបញ្ចេញមកច្បាស់ ហើយមានមនុស្សមួយចំនួនធំគិតថា ខ្ញុំជាមនុស្សស្រីដែលមិនស្រឡាញ់ភាពស្រស់ស្អាត មិនសូវចេះថែខ្លួន ប៉ុន្តែតាមពិតទៅខ្ញុំមានគ្រឿងសម្អាងការពារស្បែកច្រើនណាស់ ហើយខ្ញុំក៏ប្រើប្រាស់វាជារៀងរាល់ថ្ងៃមិនដែលខាន។ អាចមកពីខ្ញុំជាមនុស្សស្រីដែលមានរូបរាង និងអត្តចរិតបែបរឹងមាំ ចូលចិត្តពាក់ស្បែកជើងប៉ាត់តា ចូលចិត្តស្លៀកខោ ជាងស្លៀកសំពត់ ឬពាក់ស្បែកជើងកែង ទើបធ្វើឲ្យគ្រប់គ្នាមានការយល់ច្រឡំបែបនេះ» ។
យ៉ាងណាមិញ មកដល់បច្ចុប្បន្ននេះ បើនៅតែសង្ស័យថា នាងជា Tomboy ទៀត ក៏មិនត្រូវដែរព្រោះពេលនេះ Kaew មានមិត្តប្រុសហើយ និងថែមទាំងផ្អែមល្ហែមនឹងគ្នាខ្លាំងទៀតផង៕
សូមទស្សនារូបភាពខាងក្រោម៖
Bong I.T