ថៃ៖ ពាក្យចាស់លោកពោលថា ប្រទេសមានច្បាប់ គ្រួសារមានវិន័យ។ ដូច្នេះនៅតាមបណ្តាប្រទេសនីមួយៗសុទ្ធសឹងតែមានច្បាប់របស់ប្រទេសរៀងៗខ្លួន។

ជាក់ស្តែង ថ្មីៗនេះនៅក្នុងប្រទេសថៃបានចែងច្បាប់ថ្មីមួយថា ចំពោះសិស្សសាលាដែលស្លៀកឯកសណ្ឋានស៊ិចស៊ី រួមមាន សំពត់ខ្លី អាវរឹបរាងស្តើងៗ លេចលើលេចក្រោមនោះ នឹងត្រូវបានចាត់ទុកថាជាអំពើល្មើសច្បាប់។

រូបតំណាង

ការធ្វើវិសោធនកម្មទៅលើច្បាប់ការពារកុមាររបស់ប្រទេសថៃ ឆ្នាំ២០០៣ ដែលបានប្រកាសកាលពីថ្ងៃសុក្រសប្តាហ៍មុន (ថ្ងៃទី៣០ ខែសីហា) បានបញ្ជាក់ថា ឯកសណ្ឋានសាលាគួរតែត្រូវបានស្លៀកពាក់ឱ្យបានសមរម្យ។ ការស្លៀកពាក់ស៊ិចស៊ី លេចលើលេចក្រោមណាមួយត្រូវបានហាមឃាត់។

ដូច្នេះរាល់ឯកសណ្ឋានសាលារបស់ស្រីៗ ដែលរួមមាន សំពត់ខ្លីៗ អាវរឹបរាងស្តើងៗនោះ គឺពុំត្រូវបានអនុញ្ញាតឱ្យស្លៀកពាក់នៅក្នុងសាលារៀននោះទេ។

រូបតំណាង

បន្ថែមពីនេះទៀត ច្បាប់ថ្មីនេះក៏បានចែងទៀតថា ចំពោះសិស្សណាម្នាក់ដែលហ៊ានបំពានច្បាប់នេះ នឹងត្រូវទទួលរងពិន័យជាទឹកប្រាក់រហូតដល់ទៅ ៣០,០០០បាត (១,៣៦០ដុល្លារ) ហើយអាចប្រឈមមុខនឹងការជាប់ពន្ធនាគារទៀតផង។

គួរឱ្យដឹងផងដែរថា ចំពោះការផ្លាស់ប្តូររបស់ក្រសួងអប់រំថៃក្នុងការបង្កើនបទប្បញ្ញត្តិទាក់ទិនទៅនឹងឯកសណ្ឋានសាលាបានកើតឡើង ចំពេលដែលប្រទេសដទៃទៀតកំពុងអនុញ្ញាតឱ្យសិស្សសាលារបស់ពួកគេមានសិទ្ធិសេរីភាពក្នុងការស្លៀកពាក់ដោយខ្លួនឯង៕

រូបតំណាង
រូបតំណាង

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ