ភ្នំពេញ៖ តារាសម្តែងភ្នែកស្រទន់ ដែលជាភាគច្រើន ឧស្សាហ៍សម្តែងនៅក្នុងបទ ខេមរៈ សេរីមន្ត កញ្ញា រតនៈ មុន្នីសិលា កាលពីប៉ុន្មានឆ្នាំមុន នាងមានភាពល្បីល្បាញ នៅក្នុងរង្វង់សិល្បៈណាស់ តែបែរជាមួយរយៈចុងក្រោយ នាងបានដកខ្លួន ចេញពីការងារនេះទៅវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែក្រឡេកមើល ជិវិតរបស់នាងនាពេលបច្ចុប្បន្ន ហាក់ដូចជាមានការឡួយឆាយ ខុសប្លែកមុន ដោយនាងទើបតែប្តូរឡានទំនើបផងដែរ ពណ៌ក្រហមឆេះតែម្តង ដែលជាពណ៌នាំលាភនាំសំណាងដល់នាង។
អ្វីដែលកាន់តែពិសេស នាងក៏ជិតក្លាយជាកូនក្រមុំដ៏ស្រស់ស្អាត សម្រាប់គូអនាគតរបស់នាងផងដែរ ដោយកាលពីខែមីនា នាងក៏បានរៀបចំពិធីភ្ជាប់ពាក្យ ដូច្នេះមិនយូរមិនឆាប់មង្គលការរបស់នាងនឹងចាប់ផ្តើមហើយ។
យ៉ាងណាមិញ ហ្វេនៗ ក៏បាននាំគ្នាជូនពរ ដល់រតនៈ មុន្នីសិលា ដែលរកឃើញ ក្តីសុខ និងសុភមង្គលរបស់ខ្លួន ជាមួយនឹងមនុស្សប្រុសដែលខ្លួនស្រលាញ់៕