ភ្នំពេញ៖ ជារៀងរាល់សប្តាហ៍ កម្មវិធីដ៏ល្បីដែលតែងតែពាំនាំនូវសិល្បករជាច្រើនទាំងចាស់ និងក្មេងចូលរួមច្រៀងចម្រៀងបែបមរតកដើម «ចម្រៀងគ្រួសារខ្មែរ» ដែលបានធ្វើការច្រៀងចម្រៀងយ៉ាងពីរោះៗ គួរឲ្យចាប់អារម្មណ៍។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក៏ប៉ុន្តែសម្រាប់សប្តាហ៍នេះកាន់តែប្លែកជាងមុនទៅទៀត ក្រោយកម្មវិធីបានធ្វើការបន្ថែមនូវឈុតឆាកសម្តែងល្ខោនបាសាក់ ដែលសម្តែងដោយក្រុមតារាកំប្លែងនាយកុយ ធ្វើការសម្តែងយ៉ាងប្លែកៗភ្នែក។ តែអ្វីដែលគួរឲ្យចាប់អារម្មណ៍នោះគឺ ខណៈនៅពេលដែលឡាយវីដេអូមុនដំបូង ស្រាប់តែមានការរអាក់រអួលខុសពីសប្តាហ៍មុនៗ ជាមួយនឹងការឡាយវីដេអូផ្ទាល់នៅលើហ្វេសប៊ុក ត្រូវបានដាច់ភ្លាមៗតែម្តង ទាំងដែលសម្តែងទើបតែបានប៉ុន្មាននាទី។
បន្ទាប់ពីមានបញ្ហាបែបនេះ ក៏មានការធ្វើការLive បន្តទៀត ដើម្បីឲ្យអ្នកទស្សនាដែលទន្ទឹងរង់ចាំបានបន្តភាគនៃឈុតឆាកសម្តែងនេះ។ ក្រោយពីបានសម្តែងចប់រួចរាល់ហើយ ក៏មានការខមមិនពីថា្នក់ដឹកនាំ សម្តេចតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជាបានធ្វើការខមមិន ពីរឿងទាំងនេះយ៉ាងដូច្នោះថា៖
« ជំរាបសួរយក្សកុយម្ជាស់ក្សត្រីយ៍គ្រត ក្សត្រាសាំងសារឿននិងកញ្ញាប្រឹមប្រីយ។រអាក់រអ៊ួលបច្ចែកទេសមុននេះប្រហែលមកមិនបានរៀបចំសែនព្រេនតាមទម្លាប់ល្ខោនបាសាក់។តែបើបានរៀបចំហើយប្រហែលមកពីយក្សកុយថាយក្សមានការកែទម្រង់ដោយមិនបានវាយហួនព្រោះកន្លែងតូច។សុំសួរយក្សកុយមានចៅប៉ុន្មានហើយ?»
តាមរយៈសាររបស់សម្តេច ទើបបានធ្វើឲ្យពួកគេចាប់អារម្មនណ៍ថា ពិតមែន ព្រោះមិនបានសែនអ្វីនោះទេមុនពេលសម្តែង ព្រោះគិតថាជាការសម្តែងជាលក្ខណៈគ្រួសារ ធម្មតា មិនបានគិតពីរឿងនេះនោះឡើយ៕
ប្រភព៖ ចុចលើLink នេះដើម្បីទស្សនាវីដេអូ
សូមទស្សនាវីដេអូខាងក្រោមនេះ ដើម្បីជ្រាបច្បាស់៖
Bong I.T