ហ្វេននារីៗកាត់ចិត្តទៅណា មកមើលសម្រស់សង្សារ Kris Wu ក្មេងស្អាតហើយគួរឲ្យស្រលាញ់ទៀត!

កូរ៉េខាងត្បូង៖ កាលពីម្សិលមិញនេះ បានផ្ទុះកក្រើកនូវព័ត៌មានស្នេហារបស់តារាចម្រៀងប្រុស Kris Wu អតីតសមាជិកក្រុម EXO ដែលគេថតបាន ខណៈពេលដែលលោកកំពុងតែ ដើរកាន់ដៃបណ្តើរមិត្តស្រីវ័យក្មេងស្រស់ស្អាត យ៉ាងផ្អែមល្ហែម ដែលធ្វើឲ្យអ្នកគាំទ្ររាប់លាននាក់លួចច្រណែនមិនស្ទើរនោះឡើយ។

គួរឲ្យដឹងផងដែរថា នារីកំពូលសំណាងរូបនេះ ត្រូវបានគេស្គាល់ឈ្មោះថា Luna ជានិស្សិតឆ្នាំទី២ ផ្នែកខ្សែភាពយន្តនៅឯ Beijing Film Academy ហើយអ្វីដែលកាន់តែធ្វើឲ្យបណ្តាអ្នកនិយមលេងអ៊ីនធឺណែត មានការចាប់អារម្មណ៍ជាងនេះទៅទៀតនោះ គឺសម្រស់របស់របស់នាងតែម្តង។

ជាការពិតណាស់ តាមរយៈពេលរូបថតជាច្រើន ដែលត្រូវបានអ្នកគាំទ្របង្ហោះចែកចាយ ពាសពេញបណ្តាញសង្គម បានទម្លាយនូវសម្រស់ពិតរបស់ Luna សង្សារសំណព្វចិត្តរបស់ Kris Wu ដែលនាងមិនត្រឹមតែមានវ័យក្មេងតែប៉ុណ្ណោះនោះទេ។ ប៉ុន្តែថែមទាំងស្រស់ស្អាតបែបធម្មជាតិ មានស្នាមញញឹមស្រស់ស្អាតគួរឲ្យស្រលាញ់ និងពិតជាស័ក្តសមជាមួយនឹងតារាចម្រៀងប្រុសវ័យ ២៨ឆ្នាំរូបនេះ ខ្លាំងមែនទែន។

យ៉ាងណាមិញ បើទោះបីជា អ្នកគាំទ្រមានការភ្ញាក់ផ្អើលខ្លាំង ចំពោះដំណឹងនេះយ៉ាងណាក្តី ប៉ុន្តែអ្នកទាំងពីរក៏ទទួលបានការគាំទ្រ និងសារជូនពរជាច្រើន ពីសំណាក់ហ្វេនៗផងដែរ៕