ភ្នំពេញ៖ តារាកំប្លែងជើងចាស់ នាយកុយ បច្ចុប្បន្ននេះទោះបីជាវិស័យសិល្បៈផ្នែកកំប្លែកតាមឆាកនានា ហាក់ដូចជាស្ងាត់យ៉ាងណាក្តី តែលោកមានហាងឆេងខ្លាំងនៅក្នុងការសម្តែង ល្ខោនបាសាក់ មុខជំនួញផ្ទាល់ខ្លួនជាច្រើន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងកាលពីពេលថ្មីៗនេះ រូបភាពប៉ុន្មានសន្លឹកបានធ្វើការបង្ហាញ លើបណ្តាញសង្គមរបស់តារាប្រុសរូបនេះ ខណៈពេលដែលបានតុបតែងខ្លួនក្នុងសម្លៀកបំពាក់ ដើម្បីសម្តែងល្ខោនបាក់សាក់ ដែលមានក្មេងៗតូចៗប៉ុន្មានរូបនៅជិតនោះ ធ្វើឲ្យបណ្តាអ្នកគាំទ្រនាំគ្នាចាប់អារម្មណ៍គ្រប់គ្នា។
នៅក្នុងនោះដែរ ឃើញថាក្មេងៗតូចៗដែលគេថាជាទំពាំងល្ខោនបាសាក់នោះ មានសមត្ថភាពមិនធម្មតានោះទេ ដែលបានឡើងសម្តែងនៅលើឆាក មានដុងសិល្បៈផ្នែកនេះតាំងតែពីក្មេងគួរឲ្យសរសើរ។ តែអ្វីដែលកាន់តែចាប់អារម្មណ៍នោះគឺ មុខមាត់របស់ក្មេងៗទាំងនេះ សុទ្ធតែស្រស់ស្អាត គួរឲ្យស្រលាញ់គ្រប់គ្នាពេលដែលតែងខ្លួនសម្តែងបែបនេះ។
ជាមួយគ្នានេះដែរ បណ្តាអ្នកលេងបណ្តាញសង្គមជាច្រើន ពិតជាពេញចិត្តយ៉ាងខ្លាំង ដែលក្មេងៗស្រលាញ់សិល្បៈផ្នែកមួយនេះ ខណៈពេលដែលបច្ចុប្បន្នសឹងតែគ្មានអ្នកគាំទ្រ ដូចសិល្បៈសម័យនោះទេ៕
សូមទស្សនារូបភាពខាងក្រោមនេះ៖