ទើបតែចេញពី បន្ទប់អុកស៊ីសែន បេនីយ៉ាំង លេងខ្លួន​ ដើរលំហែកាយ លើទឹកដីកូរ៉េ!

កូរ៉េ៖ តារាសម្តែងស្រីដ៏មានប្រជាប្រិយភាព កញ្ញាបេនីយ៉ាំង ពេលនេះកំពុងតែសម្រាកព្យាបាលនៅក្នុងប្រទេសកូរ៉េ ដើម្បីទៅកែកុនព្យាបាលច្រមុះរបស់ខ្លួន ដែលមានបញ្ហាបន្ថែម ក្រោមការព្រួយបារម្ភយ៉ាងខ្លាំងពីអ្នកគាំទ្រ។

ខណៈពេលដែលកំពុងតែស្ថិតក្នុងមន្ទីរពេទ្យ សម្រាកក្នុងបន្ទប់អុកស៊ីសែនជាច្រើនម៉ោង ពេលនេះក៏ឃើញនាងបានធ្វើការបង្ហាញនូវភាពរីករាយ ជាមួយនឹងការតែងខ្លួនយ៉ាងស្រស់ស្អាតប្លែកភ្នែក ទោះបីជាច្រមុះកំពុងតែបិទបង់រុំរបួសយ៉ាងណាក្តី។

ជាមួយគ្នានេះដែរ ឃើញថាតារាស្រីរូបនេះបានធ្វើការតែងខ្លួនជាមួយឈុតពណ៌ខ្មៅ ឃើញរាងយ៉ាងស្រឡូន ទទួលបាននូវការសរសើរយ៉ាងខ្លាំងពីបណ្តាអ្នកគាំទ្រជាច្រើន ពីរូបរាងរបស់នាង ដែលទោះបីជាពិបាកចិត្តព្យាបាលច្រមុះយ៉ាងណា នាងនៅតែស្អាតបែបនេះដដែល។

ក្រោយពីបានឃើញរូបទាំងនេះ បណ្តាអ្នកគាំទ្រពិតជារីករាយនៅក្នុងចិត្ត ដែលនាងប្រែមកជាស្រស់ថ្លាឡើងវិញ ស្របពេលដែលកំពុងតែស្ថិតក្នុងការព្យាបាលនៅក្រៅប្រទេសបែបនេះ មិនត្រឹមតែប៉ុណ្ណោះ អ្នកគាំទ្រជាច្រើននាំគ្នាជូនពរឲ្យនាងឆាប់ជាគ្រប់គ្នា៕

សូមទស្សនារូបភាពខាងក្រោមនេះ៖