នេះជាមុខមាត់សង្សារថ្មី របស់Apitsada ក្រោយបរាជ័យជាច្រើនដង ក្នុងរឿងស្នេហា

ថៃ៖ តារាសម្តែងស្រីតួកាច និងពិធីករដ៏មានថ្វីមាត់ កញ្ញា Ice Apitsada មួយរយៈចុងក្រោយនេះ គេសង្កេតឃើញថា នាងកាន់តែមាន ភាពល្បីល្បាញកាន់តែខ្លាំងឡើងគួរឲ្យកត់សម្គាល់ផងដែរ។

គួររម្លឹកផងដែរថា នាមួយរយៈមុន តារាស្រី កញ្ញា​ Ice Apitsada បាននិយាយនៅមុខអ្នកកាសែតថា ខ្លួនតែងតែបរាជ័យក្នុងរឿងស្នេហា និងចង់សុំពេលសម្រាកពីការគិតរឿងនេះមួយរយៈ ព្រោះការបែកបាក់ស្នេហារយៈពេល៥ឆ្នាំលើកនេះ បានផ្ដល់មេរៀនជីវិតដល់រូបនាងច្រើនខ្លាំងណាស់។

តែថ្មីៗនេះ តារាស្រីរូបនេះបានផុសរូបថតមួយសន្លឹកនៅក្នុងអ៊ីនស្តារក្រាមផ្ទាល់ខ្លួន ដែលរូបនោះ Apitsada បានថតជាមួយបុរសម្នាក់ ឈរជិតគ្នាយ៉ាងជិតស្និទ្ធ ហើយថែមទាំងបានកាន់ដៃគ្នាយ៉ាងស្អិត ពិតជាផ្អែមល្ហែមខ្លាំងណាស់។

ទន្ទឹមជាមួយគ្នានេះដែរ ក្រោយពីបានឃើញបែបនេះមិត្តរួមសិល្បៈ និងអ្នកគាំទ្រជាច្រើនបានចូលទៅ Comment អបអរដល់ស្នេហាថ្មោងថ្មីរបស់ពួកគេ ទាំងពីរផងដែរ៕