ទីបំផុត នៅ សូនីតា បង្ហាញមុខមាត់ប្ដីសាធារណៈ លែងបិទមុខតទៅទៀតហើយ (មានវីដេអូ)

ភ្នំពេញ៖ កាលពីយប់មិញ តារាសម្ដែងស្រីនិងជា ពិធីការិនីអ្នកនាង នៅ សូនីតា បានបង្ហោះវីដេអូរូបភាពជាច្រើន ចងក្រងជាវីដេអូ  ពាក់ព័ន្ធនឹងស្វាមីរបស់ខ្លួន ដែលខំលាក់បាំងជាច្រើនឆ្នាំ។

ក្នុងវីដអូនោះផងដែរ គេសង្កេតឃើញអ្នកនាង នៅ សូនីតា បានបង្ហាញពីសកម្មភាពជាច្រើនជាមួយនឹងស្វាមីនៅលើទឹកដីខេត្តសៀមរាប កាលពីប៉ុន្មានឆ្នាំមុន មើលទៅពិតជាមានសុភមង្គលខ្លាំង។

បើតាមរូបភាព ដែលនៅ សូនីតា បានបង្ហាញនោះ គឺស្វាមីរបស់នាង ត្រូវបានគេស្គាល់ថាជាលោក ទិត្យ ថាវរិទ្ធ ដែលត្រូវបានតែងតាំងជាឯកឧត្តម និងមានឋានៈជាអនុរដ្ឋលេខាធិកាក្រសួងវប្បធម៌ និងវិចិត្រសិល្បៈ កាលពីថ្មីៗនេះ។

គួរឲ្យដឹងផងដែរថា ទំនាក់ទំនងស្នេហារបស់ពិធីការិនីរូបស្រស់ នៅ សូនីតា និងស្វាមី គឺមិនតិចជាង៦ឆ្នាំនោះទេ តែទម្រាំតែនាងដាច់ចិត្តបង្ហាញមុខជាសាធារណៈ ក្រោយពេលនាង សម្រាលកូនបានជាងមួយខែនេះទេ៕

ដើម្បីជ្រាបច្បាស់ តោះទៅទស្សនារូបភាពទាំងអស់គ្នា៖