ភ្នំពេញ៖ តារាចម្រៀង និងពិធីករ លោក បញ្ញា សិទ្ធិ ដែលទើបតែបញ្ចប់រឿងរ៉ាវមិនសប្បាយចិត្តកាលពីពេលថ្មីៗនេះ ស្រាប់តែពេលនេះបង្ហាញប្រតិកម្មទៀតហើយ បន្ទាប់ពីលោកស្រាវជ្រាវឃើញករណីធ្វើសុីពីអ្នកលេងហ្វេសប៑ុក ដែលលោកប្រកាសមិនអាចទទួលយកបាន។ អ្វីដែលលោករកឃើញ ត្រូវបានតារារូបនេះយល់ថាដើម្បីបង្កើតរឿងអវិជ្ជមានណាមួយ ធ្វើឲ្យប៉ះពាល់ដល់ខ្លួនផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកបង្ហោះនៅលើហ្វេកប៑ុកថា
លោក បញ្ញា សិទ្ធិ បញ្ជាក់បន្ថែមពីការបង្ហោះថា លោករកឃើញថា អ្នកលេងហ្វេសប៑ុកបានបង្កើតហ្វេសប៑ុកក្លែងក្លាយពីឈ្មោះរបស់លោកមិនតិចជា១០គណនីនោះទេ ដែលគេបង្កើតដោយប្រើឈ្មោះលោក យករូបលោកធ្វើជារូបសម្គាល់ ហើយអ្វីដែលសំខាន់គឺរាល់សកម្មភាព និងរូបថតដែលលោកបានបង្ហោះនៅគណនីយផ្ទាល់ខ្លួន គឺគណនីទាំងនោះក៍យករូបដែលលោកបង្ហោះមកប្រើក្នុងអាក់ខោនក្លែងក្លាយនោះដែរ។ លោកនេះជាអ្វីដែលលោកធ្លាប់តែឮ ហើយលោកក៏បានឆាតសួរទៅកាន់អាក់ខោនក្លែងក្លាយទាំងនោះផងដែរ ប៉ុន្តែមិនមានការឆ្លើយតប។
លោក បញ្ញា សិទ្ធិ ប្រកាសថាលោកមិនទទួលស្គាល់រាល់ការបង្ហោះរបស់អាក់ខោម ទាំងនោះទេ ដោយលោកបានទាំងអះអាងថា បើម្ចាស់អាក់ខោនទាំងនោះ មិនមែនជាហ្វេន ហើយយករូបលោក ឈ្មោះលោកទៅប្រើអោយប៉ះពាល់វិញ នោះលោកនឹងចាត់វិធានការ ខណៈដែលចង់ខ្លាចនៅពេលដែលលោកបង្ហោះរូបណាហ្វេសប៑ុកទាំងនោះក៏ស្រង់រូបយកទៅបង្ហោះដែរ៕