ជំងឺបម្រុងក្រឡាភ្លើង អាចបង្កផលវិបាកធ្ងន់ធ្ងរប៉ះពាល់ដល់អាយុជីវិតទាំងម៉ាក់ៗ និងគភ៌។ ជំងឺនេះបណ្ដាលមកបញ្ហាទាក់ទងនឹងសុក ហើយមានរោគសញ្ញាដូចជា លើសសម្ពាធឈាម លើសជាតិប្រូតេអុីនក្នុងទឹកនោម ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្រីៗមានផ្ទៃពោះមានចេញរោគសញ្ញាទាំងនេះនៅសប្តាហ៍ទី២០ នៃការពពោះ និងមានរោគសញ្ញារូមផ្សំជាច្រើនទៀតដែលធ្វើឲ្យជំងឺនេះកាន់តែអាក្រក់ ប្រសិនបើពុំមានការគ្រប់គ្រង និងមិនបានព្យាបាលត្រឹមត្រូវ។
ដើម្បីបង្ការមិនឲ្យមានជំងឺបម្រុងក្រឡាភ្លើង-ក្រឡាភ្លើង ពេលមានផ្ទៃពោះ លោកវេជ្ជបណ្ឌិតឯកទេសជំងឺទូទៅ ចាន់ ស៊ីណេត ណែនាំនូវវិធីមួយចំនួនខាងក្រោមនេះ៖
– ញ៉ាំអាហារសម្បូរជីវជាតិ និងវីតាមីន
– កុំញ៉ាំអាហារប្រៃពេក
– កុំញ៉ាំអាហារផ្អាប់ (ជ្រក់ ប្រហុក ផ្អក…)
– កុំញ៉ាំសាច់ច្រើនពេក (លើសប្រូតេអ៊ីន)
– គ្រប់គ្រងទម្ងន់មិនឲ្យធាត់ពេក
– ពិនិត្យជាតិប្រូតេអ៊ីនក្នុងទឹកនោម និងវាស់សម្ពាធឈាមរៀងរាល់ខែ
– តាមដានសុខភាព និងពិនិត្យផ្ទៃពោះឲ្យបានទៀងទាត់ជាមួយគ្រូពេទ្យជំនាញ។
ស្រីៗដែលមានជំងឺបម្រុង ងាយនឹងវិវត្តទៅជាជំងឺក្រឡាភ្លើង គ្រោះថ្នាក់ទាំងម្តាយទាំងកូនក្នុងពោះ។ ស្រីៗមានផ្ទៃពោះអាចខូចតម្រងនោម មុខងារថ្លើមថយចុះ គ្រាប់ឈាម (ប្លាកែតធ្លាក់ចុះ) ដាច់សរសៃឈាមក្នុងខួរក្បាល បែកគ្រាប់ឈាមប្រកាច់ ឬស្លាប់ភ្លាមៗ បើសិនជាទៅជួបគ្រូពេទ្យមិនទាន់ពេល។ ចំណែកកូនក្នុងពោះវិញអាចលូតលាស់ខុសប្រក្រតីមានបញ្ហាផ្លូវដង្ហើម កើតមិនគ្រប់ខែ ឬស្លាប់ក្នុងពោះ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet