ម៉ារីម៉ា ទើបល្បីរាងធាត់ដូចជ្រូកក្រោយសម្រាលកូនទី២កាលមុនសោះ ពេលនេះ រាងតូចស្អាតវិញបាត់

ហ្វីលីពីន៖ ប្រិយមិត្តដែលជាអ្នកតាមដានរឿងរ៉ាវរបស់តារាសម្តែងប្រចាំប្រទេសហ្វីលីពីននាង Marian Rivera ហៅម៉ារីម៉ា ច្បាស់ជាជ្រាបហើយថា តារាស្រីរូបនេះទើបតែសម្រាលបានកូនប្រុសជាទីស្រលាញ់មួយមានឈ្មោះថា Jose Sixto។

ម៉្យាងវិញទៀត កាលពីថ្មីៗនេះដែរ ខ្មែរឡូត ក៏បានចុះផ្សាយម្តងរួចមកហើយ អំពីរូបរាងរបស់នាង Marian Rivera ថានាងមានរូបរាងផ្លាស់ប្តូរខ្លាំង ទៅជាធាត់ក្រោយពីសម្រាលបានកូនប្រុសទី២ ដែលធ្វើឲ្យគ្រប់គ្នាភ្ញាក់ផ្អើល និងស្រឡាំងកាំងមិនតិចនោះទេ។

យ៉ាងណាក្តី​ ស្រាប់តែប៉ុន្មានថ្ងៃមុននេះវិញ នាង Marian Rivera បានធ្វើឲ្យមហាជន ក៏ដូចជាអ្នកគាំទ្ររបស់ខ្លួនភ្ញាក់ផ្អើលសារជាថ្មី ក្រោយឃើញតារាស្រីរូបនេះបង្ហោះរូបមួយសន្លឹក បង្ហាញពីការផ្លាស់ប្តូររូបរាងយ៉ាងឆាប់រហ័ស ពីរូបរាងធាត់សុទ្ធតែសាច់ដូចជ្រូក បែរជាមកមានរាងស្លីមស្អាតត្រឹមរយៈពេលខ្លី។

ទោះជាយ៉ាងណាក្តី ទាំងនេះបានបង្ហាញថា ក្រោយពីផ្ទុះរឿងរ៉ាងនាង Marian មានរូបរាងមិនស្អាត នាងបានចាប់ផ្តើមខិតខំហាត់ប្រាណឡើងវិញ ដើម្បីឲ្យរូបរាងដ៏ស្អាតកាលពីមុនដែលជាប់ឈ្មោះជាស្រីស្អាតប្រចាំប្រទេសរបស់ខ្លួនមកវិញ៕

តើប្រិយមិត្តយល់យ៉ាងណាដែរ?