ភ្នំពេញ ថ្ងៃទី ២៥ ខែសីហា ឆ្នាំ២០១៩៖ ដើម្បីផ្ដល់នូវភាពសប្បាយរីករាយបន្ថែមពីលើអាល់ប៊ុមបទចម្រៀងទី១របស់ខ្លួនឈ្មោះថា «Reborn» ជាមួយកម្មវិធីតន្រ្តី Pleng by Smart តារាចម្រៀងរ៉េប និងជាតារាល្បីខាងម៉ូតសម្លៀកបំពាក់ លោក ងួន ចាន់ដេវីត ឬគេស្គាល់ដោយខ្លីថា G-Devith បានចូលរួមសម្ដែងក្នុងការប្រគំតន្រ្តីឈ្មោះថា «Reborn» ដែលធ្វើឡើងនៅផ្សារទំនើប អ៊ីអន សែនសុខ ដោយមានអ្នកគាំទ្រវ័យក្មេងជាច្រើនចូលរួម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអាល់ប៊ុម បទចម្រៀង «Reborn» ត្រូវបានប្រកាសចេញជាលើកដំបូងកាលពីខែកក្កដា ដោយមានបទចម្រៀងថ្មីចំនួន៩បទដែលឆ្លុះបញ្ចាំងពីអាជីពក្នុងវិស័យតន្ត្រីរបស់ G-Devith ហើយបទចម្រៀងនេះកំពុងតែទាក់ទាញចំណាប់អារម្មណ៍យ៉ាងខ្លាំងពីអ្នកគាំទ្រវ័យក្មេងដែលចូលចិត្តវិស័យតន្រ្តី។ លោក G-Devith បាននិយាយថា៖
អាល់ប៊ុមនេះ ត្រូវបាននិពន្ធឡើង និងបានចាប់ផ្ដើមថតកាលពីដើមឆ្នាំ ២០១៩
បន្ទាប់ពីលោក G-Devith បានចុះហត្ថលេខាលើកិច្ចសន្យាមាតិកាចម្រៀងផ្ដាច់មុខជាមួយនឹងក្រុមហ៊ុន Smart Axiata នៅកាលពីខែវិច្ឆិកាឆ្នាំ២០១៨ ។កម្មវិធី Pleng
by Smart ដែលត្រូវបានដាក់ឲ្យដំណើរការកាលពីខែកុម្ភៈ
ឆ្នាំ ២០១៩ គឺជាបណ្ណាល័យកម្សាន្តឌីជីថលដ៏ធំបំផុតក្នុងប្រទេសកម្ពុជា
ដោយមានបទចម្រៀងខ្មែរ និងអន្តរជាតិច្រើនជាង ១ លានបទ
ហើយផ្ដល់ភាពងាយដល់អ្នកប្រើប្រាស់។ លើសពីនេះទៅទៀតការភ្ជាប់ជាមួយកម្មវិធី Pleng
by Smart Pro ផ្តល់ជូនការទាញយកបទចម្រៀង
ដោយគ្មានដែនកំណត់ ក៏ដូចជាអាចស្ដាប់បទចម្រៀងលំដាប់ពិភពលោកតាមអនឡាញបានដោយសេរី
ឬក៏អាចស្តាប់ការផ្សាយផ្ទាល់តាមកម្មវិធីវិទ្យុផងដែរ។
កម្មវិធី
Pleng by Smart ត្រូវបានធ្វើឲ្យល្អប្រសើរជាប្រចាំលើចំណុចជាច្រើនដូចជា
ផ្នែកបច្ចេកទេស ធ្វើឲ្យមានល្បឿនកាន់តែលឿន ឆ្លើយតបកាន់តែរហ័ស
និងងាយស្រួលក្នុងការប្រើប្រាស់ បន្ទាប់ពីប្តូរឈ្មោះពី Smart
Music ៕