ផ្ទុះការគាំទ្របន្ទាប់ពី បេក្ខភាពX Factor កែវ ចាន់ដាលីន បកស្រាយបទ«You Better stop» (មានវីដេអូ)

ភ្នំពេញ៖​​ បន្ទាប់ពីបេក្ខភាព ប្រចាំកម្មវិធីអន្ដរជាតិដ៏ល្បី X Factor បានឆ្លងកាត់ការប្រកួតប្រជែងអស់ជាច្រើនសប្ដាហ៍រួចមក គេសង្កេតឃើញថា នៅសល់សុទ្ធតែ អ្នកដែលពោរពេញដោយសមត្ថភាពសិល្បៈដ៏ពិសេស​​ និងមានទឹកដមពិរោះ មិនចាញ់គ្នានោះទេ។

ជាក់ស្ដែង​​ កាលពីម្សិលមិញ កម្មវិធីនេះបានឈានចូល វគ្គថ្មីមួយទៀត  Judge's House ដែលកាន់តែមានភាពតឹងតែងជាងមុន​​ និងសម្រិតសម្រាំងយកតែ បេក្ខជនជើងខ្លាំង ដើម្បីបន្តទៅវគ្គLive Show តែប៉ុណ្ណោះ។​

ក្នុងនោះដែរ បេក្ខនារី កែវ ចាន់ដាលីន ដែលប្រិយមិត្តបានស្គាល់យ៉ាងច្រើន​ ដោយសារតែសមត្ថភាពបកស្រាយបទចម្រៀងជា ភាសាអង់គ្លេសបានយ៉ាងល្អ បានលើកយកបទ« You Better Stop» មកច្រៀងនៅវគ្គនេះ ព្រមទាំងស្រែកបានយ៉ាងល្អ។

បន្ថែមពីនេះ ដាលីន បកស្រាយបទចម្រៀងមួយបទនេះ​​ បានយ៉ាងរលូន និងពិរោះរណ្ដំ​​ អមដោយកាយវិការចូលតួ តាមបទចម្រៀងផងនោះ ធ្វើឲ្យគណៈកម្មការ និងទស្សនិកជន​ ពេញចិត្តស្ដូក និងសរសើរចំពោះរូបនាងគ្រប់គ្នាតែម្ដង៕

ចង់ជ្រាបច្បាស់ ទស្សនាវីដេអូខាងក្រោម៖