នេះជាជីវិត នាយ សានម៉ៅ ក្រោយឈប់ពីសិល្បៈ (មានវីដេអូ)

ភ្នំពេញ៖ តារាកំប្លែងប្រុសដ៏មានប្រជាប្រិយភាព នាយសានម៉ៅ បច្ចុប្បន្នបានបាត់បង់នូវការងារសិល្បៈត្រឹមរយៈពេលដ៏ខ្លី ដោយសារតែជំងឺនៅក្នុងខ្លួន ធ្វើឲ្យលោកពិបាកនិងទ្រាំទ្របាន ដែលធ្វើឲ្យអ្នកគាំទ្រជាច្រើនពិតជាសោកស្តាយ អាណិតដល់លោកយ៉ាងខ្លាំង។

ជាក់ស្តែងកាលពីពេលថ្មីៗនេះ ឃើញថាវីដេអូមួយបានធ្វើការបង្ហាញជាមួយនឹងជីវិតរបស់តារាប្រុសរូបនេះ ក្រោយស្ងាត់ពីសិល្បៈមួយរយៈ ដែលកំពុងតែស្ថិតក្នុងស្ថានភាពជំងឺប្រចាំកាយ ពិបាកទាំងការអង្គុយ ក៏ដូចជាការញុំអាហារជាច្រើនទៀត។

យោងតាមវីដេអូមួយនេះដែរ ជីវិតរបស់លោក ហាក់ដូចជាពិបាកជាងមុន ព្រោះត្រូវអង្គុយ សម្រាកនៅតែមួយកន្លែង មិនសូវបានដើរ ឬក៏ទៅលេងកំប្លែងដើម្បីរកប្រាក់ដូចកាលពីមុននោះទេ។ រីឯការហូបអាហារវិញ ក៏ពិបាកខ្លាំងណាស់ដែល ព្រោះអាហារទាំងនោះត្រូវតែម៉ត់ ទើបគាត់អាចពិសារបាន។

ស្ថានភាពរបស់តារាប្រុសជើងចាស់ ដែលធ្លាប់តែធ្វើឲ្យមហាជនភាគច្រើនសើចសប្បាយនោះ បានធ្វើឲ្យអ្នកគាំទ្រជាច្រើនពិតជាអាណិតដល់លោកយ៉ាងខ្លាំង ដែលមិននឹកស្មានថា ត្រឹមរយៈពេលដ៏ខ្លីសោះ អ្វីៗហាក់ដូចជាប្រែប្រួលអស់៕

សូមទស្សនារូបភាពខាងក្រោមនេះ៖