ខេត្តក្រចេះ ៖ សេចក្តីរាយការណ៍បឋមបានឲ្យដឹងថា បុរសម្នាក់ដែលត្រូវជាពូសាច់ថ្លៃត្រូវបាននគរបាលស្រុកសំបូរធ្វើការចាប់ខ្លួន បន្ទាប់ពីជនរូបនេះបានធ្វើសកម្មភាពចាប់រំលោភសេពសន្ថវលើក្មួយស្រីវ័យ១២ឆ្នាំ រហូតបានសម្រេច កាលពីថ្ងៃទី២៣ សីហានេះ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសេចក្តីរាយការណ៍បានបន្តថា ជនសង្ស័យឈ្មោះ រឹម ស៊ីនួន អាយុ៣៥ឆ្នាំ មុខរបរជាកម្មករសំណង់ រស់នៅឃុំអូរគ្រៀង ស្រុកសំបូរ ។ ចំណែកឯក្មេងស្រីរងគ្រោះអាយុ១២ឆ្នាំ ជាកូនស្រីទី៥ ក្នុងចំណោមបងប្អូន៥នាក់ ហើយនាងមកបានរស់នៅជាមួយម្តាយមីងតាំងពីតូចមក ។
បើតាមនគរបាលនិយាយថា ជនសង្ស័យត្រូវបានចាប់ខ្លួនតាមពាក្យបណ្តឹងរបស់ស្ត្រីជាជីដូន ក្មេងស្រីរងគ្រោះ និងត្រូវជាម្តាយក្មេករបស់ជនសង្ស័យ ។ បន្ទាប់ពីស្ត្រីជាជីដូនបានឃើញក្មេង ស្រីរងគ្រោះមានអាការធ្លាក់ឈាមច្រើន និងរាងកាយស្លេកស្លាំងក៏សួរនាំទើបនាងប្រាប់ថា នាង ត្រូវបានពូចាប់រំលោភបានសម្រេចម្តងនៅលើផ្ទះ ។
ស្ត្រីជាជីដូនបានប្រាប់មកនគរបាលថា កន្លងមកក្មេងស្រីរងគ្រោះតែងតែប្រលែងលេងជាមួយជនសង្ស័យជាពូសាច់ថ្លៃធម្មតា ។ តែនៅថ្ងៃកើតហេតុនៅពេលមិនមានមនុស្សនៅផ្ទះ ជនសង្ស័យក៏បានរំលោភលើក្មេងស្រីរងគ្រោះរហូតបានសម្រេច ៕ កែសម្រួលដោយ ៖ សុឃាក់
ប្រភព៖ កោះសន្តិភាព
Bong I.T