Liverpool យកបាន ៣ពិន្ទុពី Arsenal ខណៈ Man UTD ស្គាល់បរាជ័យលើកដំបូង (មានវីដេអូ)

អង់គ្លេស៖ ការប្រកួតពានរង្វាន់លីគកំពូលអង់គ្លេស Premier League បានឈានដល់សប្ដាហ៍ទី៣ ហើយសម្រាប់ចុងសប្ដាហ៍នេះ ខណៈកាលពីម្សិលមិញបានបញ្ចប់ទៅ ៦ប្រកួត។

ប្រកួតដែលគួរឲ្យចាប់អារម្មណ៍ជាងគេនោះគឺ ហង្សក្រហម Liverpool ទទួលបាន ៣ពិន្ទុក្រោយយកឈ្នះកាំភ្លើងធំ Arsenal ក្នុងលទ្ធផល ៣-១ នៅកីឡដ្ឋាន Anfield។ ៣គ្រាប់របស់ក្រុមលោក Klopp រកបានដោយ Mohamed Salah ២គ្រាប់ និងខ្សែការពារ Joel Matip ១គ្រាប់ ខណៈគ្រាប់បាល់តែមួយរបស់ Arsenal រកបានដោយកីឡាករ Lucas Torreira។

រីឯប្រកួតមួយទៀតដែលគួរឲ្យចាប់អារម្មណ៍ផងដែរនោះគឺ Manchester United បានទទួលបរាជ័យលើកដំបូងក្នុងរដូវកាល ២០១៩-២០២០ ក្រោយប្រកួតចាញ់ Crystal Palace ដោយលទ្ធផល ១-២ នៅក្នុងផ្ទះរបស់ខ្លួន។ Crystal Palace ជាអ្នកនាំមុខមុននៅនាទី ៣២ ដែលគ្រាប់បាល់រកបានដោយកីឡាករ Jordan Ayew មុន Man UTD តាមស្មើនៅនាទី ៨៩។ យ៉ាងណាមិញស្មើគ្នាបានត្រឹម ១នាទី កីឡាករ Patrick Van Aanholt បានរកគ្រាប់បាល់ជ័យជម្នះឲ្យ Crystal Palace នៅនាទី៩០។

ខណៈលទ្ធផល ៤ ប្រកួតផ្សេងទៀតមានដូចខាងក្រោម៖

- Norwich City 2-3 Chelsea

- Brighton & Hove Albion 0-2 Southampton

- Sheffield United 1-2 Leicester City

- Watford 1-3 West Ham United

សូមទស្សនាវីដេអូ Highlight នៃការប្រកួតនៅខាងក្រោ​ម៖

Liverpool 3-1 Arsenal

Man UTD 1-2 Crystal Palace