កូរ៉េខាងត្បូង៖ កាលពីថ្ងៃទី២១ ខែសីហា កន្លងទៅនេះខាងក្រុមហ៊ុនGoogle បានបញ្ចេញតារាងនៃតារាK-pop កំពូលទាំង៥០ដែលមានចំនួន អ្នកចុចចូលស្វែងរកច្រើនបំផុត គិតមកត្រឹមពាក់កណ្តាលឆ្នាំ២០១៩នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើយោងតាមទិន្នន័យ នៃតារាងដែលបានបង្ហាញ បញ្ជាក់ថាសមាជិកកូនពៅនៃ ក្រុមBTS គឺJungkook គឺជាអ្នកដែលនាំមុខគេក្នុង តារាងជាមួយនឹងសន្ទស្សន៍នៃការស្វែងរក រហូតដល់៤៥០.០០ ដែលតាមពីក្រោយដោយ សមាជិកដទៃទៀតដូចជាV និងJimin ជាដើម។ ជាក់ស្តែងគេសង្កេតឃើញថា សមាជិកទាំងអស់នៃBTS គឺបានឈរនៅកំពូល នៃតារាងទាំង៧នាក់។ ស្របពេលដែលKai សមាជិកក្រុមEXO គឺជាសមាជិកក្នុងក្រុម ដែលមានអ្នកចុចស្វែងរកច្រើនបំផុត ដែលឈនៅចំណាត់ថ្នាក់ លេខ១០ផងដែរ។
ជាក់ស្តែង តារាងចំណាត់ថ្នាក់នេះគឺផ្អែកទៅលើ ប្រធានបទទាំងអស់ប្រមូលផ្តុំចូលគ្នា។ ឧទាហរណ៍ ទាំងនេះគឺជាទិន្នន័យដែលGoogle បានប្រមូលពីប្រធានបទ នៃការចុចស្វែងរកJungkook សមាជិកក្រុមBTS ពាក្យទាំងនោះមានដូចជាgolden maknae ពាក្យ Kookie ពាក្យ bts jungkook ពាក្យ jk bts ជាដើម។
លើសពីនេះទៀត កាលពីពេលថ្មីៗនេះJungkook ក៏បានជាប់ក្នុងចំណាត់ ថ្នាក់លេខរៀងទី២១ក្នុងចំណោម តារាចម្រៀងល្បីរបស់អាមេរិក ដែលមានប្រជាប្រិយភាពបំផុតទាំង៣០ដែលមានដូចជាJustin Bieber, Ariana Grande រួមទាំងTaylor Swift នៅក្នុងនោះផងដែរ៕