ឃាត់ខ្លួនជនជាតិចិន ស្រវឹងបើករថយន្តលឿនដូចហោះ ទៅបុករបាំងថ្មចែកទ្រូងផ្លូវខូចខាត៤ផ្ទាំង និងបាក់បង្គោលភ្លើង១ដើម

//s6.kh1.co/e0/e00ae09a1f92d7df9a3325ede61a296513cd2e38.jpg
សង្គម

 ២៣-សីហា-២០១៩ ៨ព្រឹក · ៥ ឆ្នាំមុន

(ភ្នំពេញ)៖ បុរសជនជាតិចិនស្រវឹងស្រា បើករថយន្តលឿនដូចហោះ ទៅបុករបាំងថ្មទ្រូងផ្លូវ បណ្ដាលឲ្យបាក់បង្គោលភ្លើងមួយដើម តែសំណាងល្អគ្រោះថ្នាក់ចរាចរណ៍នេះ មិនបណ្ដាលឲ្យមានអ្នករបួសនោះទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហេតុការណ៍នេះ បានកើតឡើងនៅវេលាម៉ោងជាង១យប់ ឈានចូលថ្ងៃទី២៣ ខែសីហា ឆ្នាំ២០១៩ នៅតាមបណ្ដោយមហាវិថីសហព័ន្ធរុស្ស៊ី សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។

ប្រភពព័ត៌មានពីកន្លែងកើតហេតុបានប្រាប់ឲ្យដឹងថា នៅមុនពេលកើតហេតុគេឃើញរថយន្តមួយគ្រឿង ម៉ាក TOYOTA TACOMA ពណ៌ស្លែ ពាក់ស្លាកលេខ ភ្នំពេញ 2AK-6983 បើកបរដោយបុរសជនជាតិចិនម្នាក់ ក្នុងស្ថានភាពស្រវឹងស្រា និងមានគ្នីគ្នា២នាក់ ក្នុងល្បឿនលឿនដូចហោះ លុះមកដល់ចំណុចកើតហេតុ ក៏ជ្រុលបុករបាំងថ្មចែកទ្រូងផ្លូវ បណ្ដាលឲ្យរងការខូចយ៉ាងខ្ទេចចំនួន៤ផ្ទាំង និងបបណ្ដាលឲ្យបាក់បង្គោលភ្លើងបំភ្លឺផ្លូវអស់មួយដើម។ ចំណែកឯរថយន្ដវិញរងការខូចខាតខ្ទេចមួយកំណាត់មុខ ទៅមុខលែងរួច រីឯអ្នកបើកបរខាងលើត្រូវបានសមត្ថកិច្ចមូលដ្ឋាន ឃាត់ខ្លួនដឹកយកទៅប៉ុស្តិ៍នគរបាលកាកាបទី១ ដើម្បីសាកសួរផងដែរ។

ក្រោយពេលកើតហេតុសមត្ថកិច្ចមូលដ្ឋាន បានចុះមកដល់រួចធ្វើការទាក់ទង ទៅសមត្ថកិច្ចជំនាញចរាចរណ៍ ដើម្បីចុះមកធ្វើការវាស់វែង និងស្ទូចយករថយន្តបង្កទៅរក្សាទុក នៅការិយាល័យចរាចរណ៍ផ្លូវគោករាជធានីភ្នំពេញ ដើម្បីរង់ចាំដោះស្រាយតាមផ្លូវច្បាប់ នៅពេលក្រោយ៕

https://s6.kh1.co/__image/w=650,h=488,q=100/2e/2e8bbd2bfc36a45101db300772d729172453a877.jpg
https://s5.kh1.co/__image/w=650,h=488,q=100/ae/ae105859c4f5d418cb76b81c69266be4aa3c4676.jpg
https://s5.kh1.co/__image/w=650,h=488,q=100/db/dbd20cd69d18d0afae82cab2c67644b4e3cfe5be.jpg
https://s6.kh1.co/__image/w=650,h=488,q=100/5d/5d090108629a340a5d59e39d52f1348bb7db4694.jpg
https://s5.kh1.co/__image/w=650,h=488,q=100/1a/1a25eb847de0966bbcca999c25f4c270e0acab0c.jpg

ប្រភព៖ Freshnews

Keo Nika
KK

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T