អង់គ្លេស៖ ខ្សែប្រយុទ្ធ Mohamed Salah បានឆ្លើយតបថាគេសប្បាយចិត្តនៅជាមួយ Liverpool ក្រោយវីរបុរសរបស់ Manchester United លោក Gary Neville និយាយថាគេនឹងចាកចេញពី Liverpool។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែប្រយុទ្ធជម្រើសជាតិអេហ្ស៊ីបបានបង្ហាញទម្រង់លេងយ៉ាងល្អនៅក្របខណ្ឌ Premier League ក្រោយផ្លាស់ពី Roma ក្នុងតម្លៃ ៣៧លានផោន។ ជាមួយគ្នានេះ Salah ត្រូវបានក្លិបយក្សនៅអេស្ប៉ាញ Real Madrid ចាប់អារម្មណ៍ចង់បាន ហើយ Neville ក៏បានបង្ហាញនូវការគិតរបស់ខ្លួនថាកីឡាករវ័យ ២៧ឆ្នាំនេះនឹងចាកចេញពី Liverpool នៅ ១២ខែទៀត។
“Salah នឹងចាកចេញនៅ ១២ខែទៀត ខ្ញុំបានដឹងរួចទៅហើយ។ ខ្ញុំបានដឹង បានឃើញ និងមានអារម្មណ៍យ៉ាងដូច្នេះ។” ការលើកឡើងរបស់ Neville។
យ៉ាងណាមិញ Salah បានឆ្លើយតបវិញថាគេសប្បាយចិត្តជាមួយនឹងហង្សក្រហម Liverpool ដោយបាននិយាយប្រាប់សារព័ត៌មាន CNN ដូច្នេះថា៖
ខ្ញុំសប្បាយចិត្តជាមួយ Liverpool។ ខ្ញុំសប្បាយចិត្តនឹងទីក្រុងមួយនេះ ខ្ញុំស្រឡាញ់អ្នកគាំទ្រ ហើយពួកគេក៏ស្រឡាញ់ខ្ញុំ។ ខ្ញុំរីករាយជាមួយនឹងក្លិប។
ប្រភព៖ Metro
Bong I.T