ភ្នំពេញ៖អាចនិយាយបានថា មានប្រិយមិត្តមិនតិចនោះទេ ស្គាល់ពីតារាចម្រៀងស្រីរួមក្រុមជាមួយកញ្ញា
សុភ័ក្រ កុសុម៉ា នោះគឺអ្នកនាង ងួន ស្រីសរ ទទួលបានការគាំទ្រខ្លាំងជាមួយនឹងសម្លេង និងរូបរាងដ៏ស្រស់ស្អាតរបស់នាង។
ជាមួយគ្នានោះផងដែរ អតីតតារាចម្រៀងស្រី សាច់សដូចសំឡីរូបនេះ ត្រូវបានទស្សនិកជន ស្គាល់នាងយ៉ាងច្បាស់តាមរយៈបទចម្រៀង«ពស់ខាំដៃ»
នឹងបទជាច្រើនទៀតបកស្រាយរួមជាមួយនឹងកញ្ញា សុភ័ក្រ កុសុម៉ា
ល្បីខ្លាំងក្នុងអឡុងពេលនោះ។
យ៉ាងណាមិញក្រោយពីអតីតតារាចម្រៀងអ្នកនាង ងួន ស្រីសរ បាត់មុខពីវិថីសិល្បៈអស់ពេលជាយូរនោះធ្វើឲ្យបណ្ដាអ្នកគាំទ្រមានការនឹករលឹកទៅកាន់ខ្លួន ។
ជាក់ស្ដែង កាលពីថ្មីៗនេះ នៅលើបណ្តាញសង្គមមានរឿងដ៏គួរឲ្យចាប់អារម្មណ៍មួយក្រោយពេលឃើញ គណនីហ្វេសប៊ុកផ្លូវការរបស់តារាចម្រៀងស្រីពហុជំនាញ កញ្ញា សុភ័ក្រ កុសុម៉ា បានបង្ហោះរូបភាពជាច្រើនធ្វើឲ្យប្រិយមិត្តមានការភ្ញាក់ផ្អើលខ្លាំងមែនទែន ជាមួយនឹងមិត្តភ័ក្ករួមអាជីពអ្នកនាង ងួន ស្រីសរ ។
ដោយក្នុងនោះផងដែរ កញ្ញា សុភ័ក្រ កុសុម៉ា ក៏បានសរសេថា៖
«ចាំគាត់អត់???? មួយសរ មួយខ្មៅ»
ធ្វើឲ្យប្រិយមិត្តមានការចាប់អារម្មណ៍ខ្លាំងមែនទែនពេលបានឃើញបែបនេះ ជាមួយនឹងរូបរាងរបស់អ្នកទាំងពីរ។
គួរឲ្យដឹងផងដែរថា ក្នុងពេលបច្ចុប្បន្ននេះអ្នកនាង ងួន ស្រីសរ មានភាពមមាញឹកជាមួយនឹងការរកស៊ីរបស់ខ្លួន និងបានរៀបអាពាហ៍ពិពាហ៍រួចផងដែរ៕
តោះដើម្បីជ្រាបច្បាស់ទៅទស្សនារូបភាពទាំងអស់គ្នា៖
Bong I.T