រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កាលពីវេលាម៉ោង២និង៤៧នាទីរសៀលថ្ងៃទី២១ ខែ សីហា ឆ្នាំ ២០១៩ មានករណីអគ្គិភ័យបានឆាបឆេះចេញពីផ្ទះជាន់ទី២ ដែលជាផ្ទះលក់ទំនិញបោះដុំមួយកន្លែងយីហោ ចែនី ស្ថិតនៅផ្លូវ៣១៨ ក្បែរផ្សារអូឡាំពិក ក្នុងសង្កាត់ទួលស្វាយព្រៃទី១ ខណ្ឌបឹងកេងកង ហើយត្រូវបានកម្លាំងសមត្ថកិច្ច និងរថយន្តពន្លត់អគ្គិភ័យជាច្រើនគ្រឿងចុះមកជួយធ្វើអន្តរាគមន៍បាញ់ទឹកពន្លត់នៅកន្លែងកើតហេតុផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមសេចក្តីរាយការណ៍បឋមបានបន្តថា គិតមកត្រឹមវេលាម៉ោង៣និង១៥នាទីថ្ងៃដដែល អគ្គិភ័យបានរលត់ទាំងស្រុងហើយ ដោយមានរថយន្តពន្លត់អគ្គិភ័យចុះមកធ្វើអន្តរាគមន៍ចំនួន៥គ្រឿង និងប្រើប្រាស់រថយន្តពន្លត់អគ្គិភ័យអស់ទឹកចំនួន២គ្រឿង។
តាមសេចក្តីរាយការណ៍បឋមបានបន្តទៀតថា ពាក់ព័ន្ធនឹងករណីខាងលើនេះមូលហេតុគឺដោយសារតែអ្នកជក់បារីបានបោះកន្ទុយបារីទៅលើតុផ្ទុកសៀវភៅឯកសារចាស់ៗ ទើបបង្កជាអគ្គិភ័យឆាបឆេះតុអស់ចំនួនមួយ និងសៀវភៅឯកសារចាស់ៗមួយចំនួនទៀតផងដែរ តែមិនបណ្តាលឱ្យមនុស្សណាម្នាក់រងគ្រោះថ្នាក់នោះទេ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ប្រភព៖ កោះសន្តិភាព