ទីបំផុត លោកNote Vises ឆ្លើយហើយ ក្រោយជាប់ឈ្មោះជាអ្នកទី៣!

«ខ្ញុំយកទីនេះមកធ្វើការបកស្រាយ ពីរឿងរ៉ាវទាំងអស់ ដែលធ្វើឲ្យខ្ញុំមានអារម្មណ៍មិនល្អទាល់តែសោះ។ ម្យ៉ាងវិញទៀតខ្ញុំមានអារម្មណ៍ថាប្អូនPat កំពុងតែក្លាយជាជនរងគ្រោះនៅក្នុងរឿងមួយនេះ។ ខ្ញុំហើយនឹងPat ទើបតែស្គាល់គ្នាមិនបានយូរប៉ុន្មានទេ ហើយក៏គ្មានទំនាក់ទំនងអ្វីដូចដែលអ្នកគ្រប់គ្នាបានគិតដែរ។ រឿងវាកាន់តែវែងឆ្ងាយលើសពីអ្វីដែលជាការពិត នេះបញ្ហារបស់ពួកគេទាំងពីរ ខ្ញុំគ្មានសិទ្ធិអីចូលទៅពាក់ព័ន្ធនោះទេ។ ពេលនេះខ្ញុំចង់ឲ្យអ្នកទាំងអស់គ្នារង់ចាំស្តាប់ការបកស្រាយរបស់ប្អូនPat ថាវានាងគិតអ្វី ធ្វើអ្វី ហើយកន្លងមកជួបបញ្ហាអ្វីខ្លះនៅក្នុងចិត្ត។ ខ្ញុំជឿថាPatជាមនុស្សច្បាស់លាស់នូវរាល់ទង្វើ ដែលខ្លួនឯងបានធ្វើ តាំងពីស្គាល់គ្នាមកខ្ញុំ មិនដែលឃើញប្អូននិយាយកុហក ឬប្រើអារម្មណ៍ឆេវឆាវមកសម្រេចចិត្តលើរឿងអ្វីមួយនោះទេ។ ខ្ញុំជឿថាអ្វីដែលប្អូនបាននិយាយ គឺប្អូនបានគិតច្បាស់លាស់ហើយ គ្រាន់តែកន្លងមកប្អូននៅស្ងៀម និងមិនមានឱកាសនិយាយរឿងនៅក្នុងចិត្តតែប៉ុណ្ណោះ ទាំងដែលមហាជនកាត់ក្តី លើសពីអ្វីដែលប្អូនបានធ្វើទៅទៀត។ ទោះបីជាយ៉ាងណាក៏ដោយសូមរង់ចាំការបកស្រាយពីPat និងជួយផ្តល់កម្លាំងចិត្តដល់នាងផង។ ហើយរឿង​ មួយទៀត ខ្ញុំជាមនុស្សច្បាស់លាស់ បើមិនទាន់ដាច់ស្រេចខ្ញុំមិនទៅពាក់ព័ន្ធទេ»។