អាហ្វ្រិក៖ ក្មេងប្រុសជនជាតិអាហ្វ្រិក អាយុ១៤ឆ្នាំម្នាក់ត្រូវបានទទួលការវះកាត់ជាបន្ទាន់ ក្រោយពីយកម្ជុលប្រវែង៩សង់ទីម៉េត្ររុកចូលប្រដាប់ភេទ បណ្ដាលឲ្យនោមអត់ចេញបីថ្ងៃ និងឈឺចុកចាប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពបានឲ្យដឹងថា ក្មេងប្រុសរងគ្រោះ (មិនបានបញ្ចេញអត្តសញ្ញាណ) រស់នៅក្នុងទីក្រុង Tunis ប្រទេសអាហ្វ្រិក។ ដំបូង ក្មេងប្រុសនោះមិនហ៊ានប្រាប់ឪពុកម្ដាយឡើយ ដោយទ្រាំនឹងការឈឺចាប់និងនោមអត់ចេញរយៈបីថ្ងៃមក ទើបសម្រេចចិត្តប្រាប់ឪពុកម្ដាយថាខ្លួនបានសម្រេចកាមដោយយកម្ជុល៩សង់ទីមែត្ររុកចូលប្រដាប់ភេទ។ ក្មេងប្រុសនោះត្រូវបានបញ្ជូនទៅកាន់មន្ទីរពេទ្យ La Rabta។ គ្រូពេទ្យបានយកកន្ត្រៃដើម្បីរុកទាញម្ចុលចេញដែលនៅក្នុងបង្ហូរនោម ប៉ុន្ដែមិនបានជោគជ័យឡើយ។ ម្ចុលនោះបានរុញចូលជ្រៅទៅៗ ធ្វើឲ្យគ្រូពេទ្យមិនអាចមើលឃើញ។
ក្រោយពីថត X-ray ទើបបានបង្ហាញឲ្យឃើញថា ម្ជុលនោះមានជម្រៅ៥សង់ទីម៉ែត្រឆ្ងាយពីបង្ហូរនោម។ ការវះកាត់ជាបន្ទាន់ត្រូវបានដឹកនាំដោយលោកវេជ្ជបណ្ឌិត Selim Zagahbib។ បន្ទាប់ពីទទួលការវះកាត់រួចមក ក្មេងប្រុសនោះបានអនុញ្ញាតឲ្យត្រលប់ទៅផ្ទះវិញ ដោយសម្រាកនៅមន្ទីរពេទ្យត្រឹមតែមួយថ្ងៃប៉ុណ្ណោះ និងមិនមានផលប៉ះពាល់អ្វីឡើយ។
យ៉ាងណាមិញ ក្មេងប្រុសនោះស្ថិតនៅក្រោមការតាមដានរបស់គ្រូពេទ្យ ដូច្នេះត្រូវមកមន្ទីរពេទ្យដើម្បីពិនិត្យនាថ្ងៃខាងមុខទៀត៕