ផ្អែមល្ហែមណាស់! ឱក សុគន្ធកញ្ញា ថតរូបជាមួយស្វាមី ពេលមានផ្ទៃពោះកូនដំបូង

ភ្នំពេញ៖ គ្រាន់តែរៀបការរួចភ្លាម មិនបង្អង់យូរ តារាចម្រៀងប្រចាំផលិតកម្មរស្មីហង្សមាសអ្នកនាង ឱក សុគន្ធកញ្ញា និងស្វាមី ក៏ប្រញាប់យកបុត្រភ្លាមតែម្តង ដើម្បីបំពេញក្តីសុខសម្រាប់គ្រួសាររបស់ខ្លួន។

យ៉ាងណាមិញ ខណៈកំពុងតែពពោះ កាលពីម្សិលមិញនេះ អ្នកនាង ឱក សុគន្ធកញ្ញា បានធ្វើឲ្យអ្នកគាំទ្រមិនតិចនោះទេ លួចច្រណែនពីក្តីសុខនាង បន្ទាប់ពីឃើញហ្វេសប៊ុកផេកមួយបានបង្ហោះរូបរបស់តារាស្រីរូបនេះ និងស្វាមី ថតរូបយ៉ាងស្វីត ជាមួយកូនក្នុងផ្ទៃលើកដំបូង។

តួយ៉ាង សម្រាប់រូបប៉ុន្មានសន្លឹកដែលទើបតែបង្ហោះនេះដែរ បានធ្វើឲ្យអ្នកគាំទ្រលួចសរសើរថា កញ្ញា ឱក សុគន្ធកញ្ញា ពិតជាមានសុភមង្គលខ្លាំងមែនទែន ព្រោះចាប់តាំងពីរៀបការមកគេសង្កេតឃើញ នាងនិងស្វាមីតែងតែបង្ហាញភាពផ្អែមល្ហែមជានិច្ច។

ទោះជាយ៉ាងណាក្តី ក្រោយឃើញរូបភាពទាំងនេះហើយ អ្នកគាំទ្រជាច្រើនពិតជាអន្ទះសារ ចង់ឲ្យដល់ថ្ងៃអ្នកនាង ឱក សុគន្ធកញ្ញា សម្រាលបុត្រឆាប់ៗ ព្រោះគ្រប់គ្នាពិតជាចង់ឃើញមុខកូនរបស់អ្នកទាំងពីរ ថាគួរឲ្យស្រលាញ់បែបណាទៅ៕

តើប្រិយមិត្តយល់យ៉ាងណាដែរ?

ប្រភពរូបភាពហ្វេសប៊ុក៖ One Memory