មានចំណាប់អារម្មណ៍ចង់ធ្វើទេ? មាត់បេះដូងស៊េរីថ្មី ឃើញហើយចង់ខ្លាច

កម្សាន្ត៖ ធាតុជាមនុស្សស្រី តែងតែចង់បានភាពស្រស់ស្អាតខ្លាំង ឲ្យខុសពីធម្មជាតិ ដែលបានផ្តល់ឲ្យ រហូតមានអ្នកខ្លះ ព្យាយាមកែកុនមុខមាត់ទាំងស្រុងក៏មានដែរ ព្រោះចំណង់ចំណូលចិត្ត ភាពចង់បាន របស់មនុស្សម្នាក់ៗ តែងតែខុសៗគ្នា មិនអាចគ្រប់គ្រាន់ ទៅលើពាក្យដែលថាស្អាតបាននោះទេ។

ជាក់ស្តែង គេសង្កេតឃើញថា មាននារីវ័យក្មេងមួយចំនួន បាននាំគ្នាទៅកែមាត់របស់ខ្លួន ទៅជារាងបេះដូង តែនេះមិនមែនថា បានទម្រង់មាត់ស្អាតទេ​តែបែបជា មនុស្សចម្លែកទៅវិញ ដោយសារតែ ខាងផ្នែកលើ ត្រូវបានកែជ្រុលពេក ដោយលែងហៅរាងបេះដូងទៅហើយ។

ក្នុងនោះដែរ ក្រោយពីបានឃើញបែបនេះ ធ្វើឲ្យអ្នកលេងបណ្តាញសង្គម មានការអស់សំណើចយ៉ាងខ្លាំង ដែលមិននឹកស្មានថា​ពួកគេ នាំគ្នាធ្វើមាត់របស់ខ្លួនទៅជាបែបនេះអស់៕