ឃើញស្វីតៗសោះ ស្រាប់តែលេចលឺថា Patricia និង Peach ចែកផ្លូវគ្នា ដោយសារមានអ្នកទី៣?

ថៃ៖ ប៉ុន្មានថ្ងៃចុងក្រោយនេះបានលេចលឺដំណឹងដ៏ក្តៅគគុកមួយ ដែលធ្វើឲ្យអ្នកគាំទ្រនាំគ្នាសង្ស័យថា គូស្នេហ៍តារាសម្តែងវ័យក្មេងនាងPatricia Good និងលោកPeach Pachara បានចែកផ្លូវគ្នា។

គួរឲ្យដឹងផងដែរថា នេះមិនមែនជាលើកទីមួយទេដែលមានព័ត៌មានពួកគេចែកផ្លូវគ្នា និងចោទថាPatriciaលួចសាងស្នេហ៍ជាមួយប្អូនថ្លៃរបស់តារាសម្តែងស្រីល្បីឈ្មោះម្នាក់។ ប៉ុន្តែរាល់ពេលដែលមានព័ត៌មានបែបនេះ ពួកគេទាំងពីរតែងតែចេញមុខមកបកស្រាយថា នេះគ្រាន់តែជាពាក្យចច៉ាមមអារ៉ាមប៉ុណ្ណោះ។  

ជាក់ស្តែងថ្មីៗនេះស្រាប់តែមានព័ត៌មានបែបនេះម្តងទៀត ធ្វើឲ្យអ្នកគាំទ្រកាន់តែសង្ស័យខ្លាំងពីទំនាក់ទំនងរបស់ពួកគេព្រោះតែ មួយរយៈក្រោយនេះPatricia និងPeach ហាក់ដូចជាឃ្លាតឆ្ងាយពីគ្នាមិនសូវមានភាពផ្អែមល្ហែមដូចមុន ហើយសូម្បីតែពិធីជប់លៀងខួបកំណើតរបស់Patricia កាលពីយប់ថ្ងៃទី១៨ ក៏គ្មានវត្តមានរបស់Peachចូលរួម និងពាក្យជូនពរមួយម៉ាត់ក៏គ្មានដែរ។ លើសពីនេះPeach​ បានចុចUnfollowគណនីអ៊ីនស្តារក្រាមរបស់Patriciaទៀតផង។

ជាមួយគ្នានេះផងដែរកាលពីយប់ថ្ងៃទី១៩ ម្សិលមិញនេះ មានគណនីហ្វេសប៊ុកមួយបានចែកចាយរូបភាពរបស់Patricia អង្គុយញ៉ាំបាយគ្នាជាមួយលោក​Note Vises ដែលត្រូវជាប្អូនថ្លៃChompoo Araya ដែលធ្វើឲ្យគ្រប់គ្នាកាន់តែប្រាកដក្នុងចិត្តថាស្នេហារបស់ពួកគេពិតជាមានបញ្ហា ព្រោះគ្រប់យ៉ាងដូចព័ត៌មានដែលធ្លាប់មានកន្លងមក គ្មានខុស។

ដោយឡែកបន្ទាប់មកពីមានរឿងដ៏ច្របូកច្របល់នេះកើតឡើង ក្រុមអ្នកកាសែតបានព្យាយាមទាក់ទងទៅលោកPeachដើម្បីសាកសួរឲ្យកាន់តែច្បាស់ ប៉ុន្តែលោកបានឆ្លើយមកវិញថា សូមបកស្រាយរឿងរ៉ាវគ្រប់យ៉ាងនៅថ្ងៃទី២០ ខែសីហា។

លើសពីនេះលោកបានបន្ថែមទៀតថា ៖

សូមទស្សនារូបភាពខាងក្រោម