ទីបំផុត ស៊ឹម សូលិកា និង អេង ឬទ្ធី ព្រមដឹកដៃគ្នាចូលរោងការហើយ ចំថ្ងៃពិសេសទៀត!

ភ្នំពេញ៖ ដំណឹងដ៏គួរឲ្យភ្ញាក់ផ្អើល ដោយក្រោយពេលស្រលាញ់និងរួមរស់ជាមួយគ្នា អស់រយៈពេលជាច្រើនឆ្នាំមក ទីបំផុតពិធីករនិងពិធីការិនីប្រុសស្រីជើងថា លោក អេង ឬទ្ធី ជាមួយនឹងអ្នកនាង ស៊ឹម សូលិកា បានសម្រេចចិត្តដឹកដៃគ្នាចូលរោងការ ក្នុងពេលឆាប់ៗខាងមុខនេះហើយ។

ជាការពិតណាស់ នាពេលថ្មីៗនេះ តារាស្រីកូនមួយអ្នកនាង ស៊ឹម ​សូលិកា បានធ្វើការបង្ហោះនូវរូបថត រ៉ូបអាពាហ៏ពិពាហ៍ពណ៌ស យ៉ាងស្រស់ស្អាត នៅលើគណនីហ្វេសប៊ុកការរបស់ខ្លួន និងបានអមមកជាមួយនឹងអត្ថន័យខាងក្រោមនោះ ដោយបានសរសេរថា៖

​​​ដែលមានន័យថា ទីបំផុតអ្នកនាងបានត្រៀមខ្លួនធ្វើជាកូនក្រមុំរួចរាល់ហើយ ពោលគឺពិធីរៀបការរវាងអ្នកទាំងពីរនឹងប្រារព្ធធ្វើឡើង នៅក្នុងថ្ងៃទី៩ ខែកញ្ញា ឆ្នាំ២០១៩ ខាងមុខនេះ ដែលជាថ្ងៃដ៏ល្អពិសេសតែម្តងផងដែរ។

ចង់ដឹងថាពិធីអាពាហ៍ពិពាហ៍របស់លោក អេង ឬទ្ធី និងអ្នកនាង ស៊ឹម សូលិកា មានភាពអាធិកអធមប៉ុណ្ណានោះ មានតែទន្ទឹងរង់ចាំមើលទាំងអស់គ្នាហើយ៕