សៀមរាប៖ ជឿជាក់ថា ប្រិយមិត្តជាច្រើន ប្រហែលជាបានស្គាល់រួចមកហើយពី កញ្ញា កែវ សីហា ដែលជាពិធីការិនីស្រីមួយរូប ប្រចាំទូរទស្សន៍អាស៊ីអាគ្នេយ៍ និងមានអាជីពជា តារាសម្ដែងទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើនិយាយពីជីវិតស្នេហា របស់តារាស្រីរូបនេះវិញ គឺលេចលឺដំណឹងមកថា បន្ទាប់ពីស្វែងយល់ចិត្តថ្លើមគ្នាអស់រយៈពេល ច្រើនឆ្នាំរួចមក កញ្ញា សីហា ត្រៀមនឹងចូលរោងការ នៅចុងឆ្នាំ២០១៩នេះជាមួយអនាគតស្វាមី ដ៏ខ្ពស់សង្ហា និងជាអ្នកមានមុខមាត់ ក្នុងសង្គមមួយរូបផងដែរ។
ស្រាប់តែ ថ្មីៗនេះ ពិធីការិនីស្រីសាច់សខ្ចីរូបនេះ ចាប់ផ្ដើមបើកបង្ហាញរូបភាពPre Wedding ជាច្រើនសន្លឹក នៅលើទឹកដីខេត្តសៀមរាប។ ក្នុងពេលនោះដែរ សីហា និងស្វាមី មើលទៅពិតរជាមានភាពសាកសមគ្នាមែន ពេលតុបតែងខ្លួនក្នុង ឈុតសម្លៀកបំពាក់បែបប្រពៃណីខ្មែរ អមដោយស្ទាយ៍ថតរូបស្វីតៗ និងទេសភាពដ៏ស្រស់ត្រកាល ធ្វើឲ្យមហាជនមួយចំនួនឃើញហើយ លួចមានចិត្តច្រណែនទៀតផង។
ប៉ុន្តែ យ៉ាងណាមិញ អ្វីដែលធ្វើឲ្យប្រិយមិត្ត ងឿងឆ្ងល់ខ្លាំងនោះគឺ រាល់រូបភាពទាំងនោះ សីហា មិនទាន់បានបង្ហាញមុខ អនាគតស្វាមី ឲ្យចំនៅឡើយទេ ដោយភាគច្រើនថត ពីក្រោយខ្នងនិងចំហៀងតែប៉ុណ្ណោះ អាចថាប្រហែលជានាង ចង់បង្កភាពភ្ញាក់ផ្អើល នៅថ្ងៃពិសេសជាក់ជាមិនខាន៕
ចង់ជ្រាបច្បាស់ ទស្សនារូបភាពខាងក្រោម៖