ជាធម្មតាម្តាយម្តាយគ្រប់រូប ត្រូវបានក្រុមគ្រូពេទ្យណែនាំឲ្យធ្វើការបំបៅដោះកូនយ៉ាងតិចបំផុតរយៈពេល ៦ ខែ។ តើហេតុអ្វីត្រូវចាំបាច់បំបៅកូនដល់ ៦ ខែបែបនេះ? តាមពិតទឹកដោះម្តាយ មានផ្ទុកសារធាតុចិញ្ចឹមគ្រប់បែបយ៉ាង ដែលកូនត្រូវការបំផុតដើម្បីលូតលាស់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាពិសេសអាហារូបត្ថម្ភនៅក្នុងទឹកដោះម្តាយ អាចបង្កើនប្រព័ន្ធភាពស៊ាំ ជួយរក្សាទារកឲ្យចៀសឆ្ងាយពីភាពធាត់ បង្ការជំងឺទឹកនោមផ្អែម ខ្វះជាតិទឹក ក្អួត ក្អក រាគ ទល់លាមក រលាកពោះវៀនធំ រលាកទងសួត ជំងឺបេះដូង និងថ្លើម នៅពេលពួកគេពេញវ័យ។
ការបំបៅដោះកូនដោយទឹកដោះម្តាយ ក៏មានអត្ថប្រយោជន៍សម្រាប់សុខភាពចំពោះអ្នកម្តាយផងដែរ។ បើយោងតាមការស្រាវជ្រាវបានបង្ហាញថា ស្ត្រីដែលមិនបានបំបៅដោះកូនដោយទឹកដោះ មានហានិភ័យខ្ពស់វិវត្តទៅរកជំងឺទឹកនោមផ្អែម ជំងឺពុកឆ្អឹង មហារីកសុដន់ មហារីកអូវែ និងមហារីកស្បូន។
ដូច្នេះការចិញ្ចឹមកូនដោយទឹកដោះ មិនត្រឹមតែជួយឲ្យទារកលូតលាស់បានល្អនោះទេ វាក៏អាចធានាដល់សុខភាពចំបោះអ្នកម្តាយផងដែរ។ ម្យ៉ាងវិញទៀត ដើម្បីធ្វើឲ្យសុដន់ផលិតទឹកដោះបានច្រើនសម្រាប់ផ្គត់ផ្គងទារក អ្នកម្តាយត្រូវសុំយោបល់ពីក្រុមគ្រូពេទ្យអំពីរបបអាហារដែលត្រូវទទួលទាន៕
អត្ថបទផ្ដល់សិទ្ធិដោយ Royalausnzcambodia
Bong I.T