បារាំង៖ អ្នកចាត់ការទូទៅរបស់ក្លិប Paris Saint-Germain លោក Thomas Tuchel ហាក់មិនបានលាក់លៀមការពិតអំពីការចាកចេញរបស់ខ្សែប្រយុទ្ធ Neymar នៅទីផ្សារដោះដូររដូវក្ដៅលើកនេះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្រោយបរាជ័យក្នុងការប្រកួតបើកឆាក Ligue 1 ដែល PSG ចាញ់ Rennes ២-១ កាលពីយប់ថ្ងៃអាទិត្យ អ្នកចាត់ការទូទៅសញ្ជាតិអាល្លឺម៉ង់ Thomas Tuchel បាននិយាយថា Neymar មិនទាន់អាចចាកចេញ ដោយគ្មានអ្នកមកជំនួសបាននោះទេ។
“ពួកយើងមិនអាចបាត់បង់ Neymar ដោយគ្មានអ្នកមកជំនួសគាត់នោះទេ។” លោក Tuchel លើកឡើងដូច្នេះ ក្រោយចប់ការប្រកួត។
លោកបានបន្តទៀតថា “បើសិនជាពួកយើងទុកគាត់ ពួកយើងនឹងមានកីឡាករមួយរូប ដែលមានសមត្ថភាពយកឈ្នះក្នុងកាលៈទេសៈ មួយទល់នឹងមួយ។ ប៉ុន្តែគ្មានអ្វីផ្លាស់ប្ដូរនោះទេ ទីផ្សារនៅបន្តបើក ហើយយើងមិនដឹងថាថ្ងៃនេះ ឬស្អែកនោះទេ។”
សូមបញ្ជាក់ដែរថា Neymar បានអវត្តមានសម្រាប់ការប្រកួតដំបូងរបស់ PSG ដោយសារតែគេមិនទាន់រួចរាល់ ១០០% នោះទេ៕
ប្រភព៖ Marca
Bong I.T