កូរ៉េខាងត្បូង៖ បើទោះប្បីជាLay ជាសមាជិកម្នាក់ក្នុងក្រុមEXO ដែលទទួលបានជោគជ័យខ្លាំង ទាំងក្នុងវិស័យK-pop ក៏ដូចជាក្នុងវិស័យសម្តែងក៏ដោយ តែលោកបែរជាប្រឆាំងទៅវិញ ប្រសិនបើលោកមានកូនចង់ចូល ប្រលោកក្នុងវិស័យសិល្បៈ ដូចជារូបលោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងកាលពីពេលថ្មីៗនេះ នៅពេលដែលផ្តល់បទសម្ភាសន៍ ជាមួយPear Vid ពេលនោះLay ត្រូវបានសួរថាតើលោកនឹង លើកទឹកចិត្តដល់យុវជនជំនាន់ក្រោយ ដែលមានក្តីស្រមៃ ក្លាយជាតារាដូចជាលោកដែរទេ? ក្នុងពេលនោះLay បានបកស្រាយថា៖
“ខ្ញុំពិតជា ផ្តល់នៅការលើកទឹកចិត្ត ដល់អ្នកដែលមានក្តីស្រមៃបែបនេះ ក៏ប៉ុន្តែប្រសិនបើជាកូន របស់ខ្ញុំវិញខ្ញុំនឹងប្រឆាំង ជាមិនខាននោះទេ”។
លើសពីនេះ តារាប្រុសរូបនេះ បានបញ្ជាក់ថា រូបគេនឹងបញ្ចុះបញ្ចូល កូនរបស់ខ្លួនឲ្យជ្រើសរើសយក អាជីពផ្សេងដូចជាវេជ្ជបណ្ឌិត មេធាវី ផ្សេងៗជាដើម។ Lay បានលើកឡើងថា៖
“ខ្ញុំសង្ឃឹមថាកូនរបស់ខ្ញុំ នឹងអាចក្លាយជាគ្រូពេទ្យ ដ៏ល្អម្នាក់ ជាមេធាវី ឬក៏អាចចូលចិត្ត ខាងផ្នែកសិល្បៈ។ គេអាចចូលចិត្តសិល្បៈ គេអាចធ្វើតាមការពេញចិត្តរបស់គេ ក៏ប៉ុន្តែខ្ញុំនឹងមិនគាំទ្រ រូបគេឲ្យក្លាយជាidol នោះទេ”។
Bong I.T