អឹរ៉ុប៖ ក្លិបហង្សក្រហម Liverpool នឹងទទួលបានប្រាក់ ១៨លានផោន ក្រោយខ្សែប្រយុទ្ធ Philippe Coutinho ផ្លាស់ពី Barcelona ទៅចូលរួមជាមួយ Bayern Munich ក្រោមលក្ខខណ្ឌខ្ចីជើង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សBarcelona បានព្រៀមព្រៀងជាមួយជើងឯកក្របខណ្ឌ Bundesliga Bayern Munich ក្នុងការអនុញ្ញាតឲ្យ Coutinho ផ្លាស់ទៅលេងនៅទឹកដីអាល្លឺម៉ង់ក្រោមលក្ខខណ្ឌខ្ចីជើង ជាមួយតម្លៃ ១៨លានផោន ខណៈលុយទាំងអស់នោះនឹងត្រូវបង់ទៅឲ្យក្លិប Liverpool ទាំងអស់។
មូលហេតុដែលលុយនោះ Liverpool ជាអ្នកទទួលព្រោះតែក្លិបអ្នកមានបុណ្យ Barcelona មិនទាន់បង់ប្រាក់គ្រប់ទៅឲ្យហង្សក្រហមនោះទេ ដោយកាលនោះក្លិបដែលមានមូលដ្ឋាននៅតំបន់កាតាឡាន់ បានទិញយក Coutinho ពី Liverpool ក្នុងតម្លៃខ្លួន ១៤២លានផោន។
គួរបញ្ជាក់ផងដែរថា Coutinho នឹងទៅចូលរួមជាមួយ Bayern Munich ក្រោមលក្ខខណ្ឌខ្ចីជើង ២រដូវកាល ដោយអាចមានសិទ្ធិទិញផ្ដាច់ជាមួយតម្លៃខ្លួន ១២០លានអឺរ៉ូ (១០៩.៦លានផោន)៕
ប្រភព៖ Sportsmole